tiffins in tricolour హనుమకొండలోని ఓ హోటల్ నిర్వాహకుడు తన దేశభక్తిని వినూత్నంగా చాటుకున్నాడు. స్వాతంత్య్ర వజ్రోత్సవాల్లో భాగంగా తన హోటల్లో లభించే ఆహార పదార్థాలను మూడు రంగులతో తయారు చేయించాడు. క్యారెట్, పాలకూర ఉపయోగించి ఇడ్లీలు, పూరీలు, దోసెలను జెండా రంగులను తలపించేలా అందుబాటులో ఉంచాడు.
స్వాతంత్య్ర వజ్రోత్సవాల వేళ దేశభక్తిని వినూత్నంగా చాటుకోవాలని ఆహార పదార్థాలను త్రివర్ణ రంగులతో తయారు చేశామని హోటల్ నిర్వాహకుడు శివకృష్ణ తెలిపారు. నగరవాసులు వీటిని ఆసక్తిగా తిలకిస్తున్నారని హర్షం వ్యక్తం చేశారు.
దేశభక్తిని ఒక్కొక్కరు ఒక్కోలా చాటుకుంటారు. మాకు తెలిసిన పని వంట. ఆ వంట భాషలోనే మా దేశభక్తిని చాటుకోవాలని ఇడ్లీలు, పూరీలు, దోసెలను 3 రంగులతో తయారు చేశాం. వీటి పట్ల కస్టమర్ల స్పందన కూడా చాలా బాగుంది.-శివకృష్ణ, హోటల్ నిర్వాహకుడు
