అమెరికాలో ఉన్నతమైన ఉద్యోగం.. ఐదంకెల వేతనం.. అతని వివాహం అంటే పాశ్చత్యా సంస్కృతికి పట్టం కట్టినట్లు ఉంటుందని అనుకుంటాం. కానీ.. వినూత్న పద్ధతికి శ్రీకారం చుట్టి పర్యావరణ ప్రేమికుడు అనిపించుకున్నాడు.. ములుగు జిల్లా భూపాల్నగర్కు చెందిన ముక్క నాగరాజు.
ఒక్కటంటే ఒక్క ప్లాస్టిక్ వస్తువు వినియోగించకుండా ఘనంగా వివాహం చేసుకున్నాడు. పెళ్లి కార్డు నుంచి తలంబ్రాల వరకు పూర్తిగా పర్యావరణహితమైన వస్తువులనే వినియోగించాడు. వరుడు వదువు పేర్లతో ప్రత్యేక సంచులను తయారుచేయించి పెళ్లి కార్డుతో సహా పంచిపెట్టాడు. సింగిల్ యూజ్ ప్లాస్టిక్ గ్లాసులకు బదులుగా 200 స్టీలు గ్లాసులను తీసుకొచ్చి వినియోగించాడు. తమ ప్రయత్నం వేల మందిలో మార్పువస్తుందనే ఆశ లేదని ఒక్కరు ఇద్దరు మారినా తాము సఫలీకృతం అయినట్లేనని తెలిపాడు వరుడు నాగరాజు.
ములుగు జిల్లాలో ఎక్కడ చూసిన ప్లాస్టిక్ నివారణ కోసం తాము సైతం అనే వాళ్లే ఎక్కువ శాతం ఉన్నారు. భావితరాలకు మంచి చేయకపోయినా పరవాలేదు కానీ చెడు చేయవద్దనే సంకల్ప బీజం వీరిలో బలంగా నాటుకుంది. ప్రతిజిల్లా.. ప్రతి వ్యక్తి ఇలానే ఉంటే ఒకప్పుడు ప్లాస్టిక్ వాడేవాళ్లాం అనే రోజులు ఇంకెంతో దూరంలో లేవు మరి..
ఇవీచూడండి:''నేను చేసుకున్న పెళ్లిళ్లతోనే జగన్ రెండేళ్లు జైలుకెళ్లారా..?''