రాష్ట్రంలోని పాఠశాలల్లో ఆన్లైన్ తరగతుల నిర్వహణపై ప్రభుత్వం ఎలాంటి మార్గదర్శకాలు జారీచేయలేదని పాఠశాల విద్యాశాఖ కమిషనర్ చిత్రరామచంద్రన్ స్పష్టం చేశారు. పాఠశాలల పునఃప్రారంభంపై కేంద్ర, రాష్ట్ర ప్రభుత్వాలు ఇంకా నిర్ణయం తీసుకోలేదని ఆమె పేర్కొన్నారు.
విద్యాసంత్సరం, ఆన్లైన్ తరగతులపై ఎలాంటి ఉత్తర్వులు, ప్రకటనలు ఇవ్వద్దని డీఈవోలకు చెప్పారు. నిబంధనలు అతిక్రమిస్తే.. చర్యలు తీసుకోవాల్సి ఉంటుందని హెచ్చరించారు. ఆన్లైన్ తరగతులపై నిన్న హైకోర్టులో విచారణ సందర్భంగా కొన్ని జిల్లాల్లో డీఈవోలు పత్రిక ప్రకటనలు జారీ చేశారని పిటిషనర్ తరఫు న్యాయవాది పేర్కొన్నారు. ప్రభుత్వం ఎలాంటి విధానం రూపొందించకుండా.. డీఈవోలు ప్రకటనలు ఎలా ఇస్తున్నారని హైకోర్టు ప్రశ్నించింది. ఈ నేపథ్యంలో డీఈవోలకు స్పష్టతనిస్తూ పాఠశాల విద్యా శాఖ కమిషనర్ ఉత్తర్వులు జారీ చేశారు.
ఇదీ చదవండి: మద్యం అమ్మకాలకు లాక్‌డౌన్‌ కిక్కు.. ఒక్కరోజే డబుల్
