heavy rainfall in telangana 2023: ఈ సంవత్సరం మండే ఎండాకాలం కూడా తీవ్రమైన వర్షాకాలాన్ని తలపించింది. మండు వేసవి కూడా మబ్బులు కమ్ముకొని ఉన్నాయి. ఇబ్బడిముబ్బడిగా వానలు దంచి కొట్టాయి. ఏప్రిల్, మే నెలల్లో కురిసిన వర్షాలు ఈ సంవత్సరం వర్షపాతం రికార్డులను మార్చేశాయి. గంత 40ఏళ్ల చరిత్రలో వేసవిలో ఎన్నడు లేని విధంగా రికార్డు స్థాయిలో వానలు కురిశాయి. 2022-23లో (జూన్-మే) నమోదైన వర్షపాతం గత రికార్డులను క్రాస్ చేసింది. ఈ సంవత్సరం పడిన వర్షాలు సాధారణ వర్షపాతం కన్నా 54శాతం అధికంగా నమోదైంది. రాష్ట్ర సాధారణ వర్షపాతం 908.3 మిల్లీమీటర్లు కాగా గత సంవత్సరం జూన్ నుంచి మే 5నాటికి 1359.7 మిల్లీమీటర్లు కురిసింది. 1983-84 సంవత్సరంలో సాధారణం కంటే 51శాతం అధికంగా వానలు కురిశాయి. ఆ సంవత్సరంలో సాధారణ వర్షపాతం 892.8 మిల్లీలీటర్లకు 1351.1 మిల్లీమీటర్ల వర్షం కురిసింది. ఆ తరువాత 2022-23 సంవత్సరంలో 54.4 శాతం అధికంగా వర్షాలు నమోదయ్యాయి.
మే నెలలో.. అరుదైన రికార్డు: వాతావరణశాఖ తెలిపిన వివరాల ప్రకారం 1951-52 నుంచి వివరాలను పరిశీలిస్తే 1989-90లో మే నెలలో మాత్రమే 577 శాతం వర్షపాతం నమోదైంది. అప్పుడు సాధారణ వర్షపాతం 25.8 మిల్లీ మీటర్లకు గాను 174.7 మిల్లీ మీటర్ల వర్షం కురిసింది. ప్రస్తుతం దీనికి విరుద్దంగా ఈ ఏడాది మే నెలలో సాధారణ వర్షపాతం 2.6 మిల్లీమీటర్లకు గాను ఇప్పటికే 39.3 మిల్లీ మీటర్ల వర్షం కురిసింది. దీంతో రాష్ట్రంలో 1412 శాతం వర్షపాతం నమోదైంది. గత సంవత్సరం జులైలో 121శాతం ఎక్కువ వర్షాలు కురిశాయి. ఈ మార్చి నెలలో 413 శాతం, ఏప్రిల్లో 338 శాతం అధికంగా వర్షపాతం నమోదైంది.
15 జిల్లాల్లో 60 శాతానికి పైగా కురిసిన వర్షాలు: ఈ సంవత్సరంలో (జూన్ 22- మే 23) ఖమ్మం మినహా అన్ని జిల్లాల్లో అధిక వర్షపాతం నమోదైంది. 15 జిల్లాల్లో ఆ జిల్లా సాధారణ వర్షపాతాల కన్నా 60శాతానికి పైగా నమోదయ్యాయి. అత్యధికంగా నారాయణపేటలో 77శాతం, వనపర్తి, కరీంనగర్ జిల్లాలలో 75శాతం, మహబూబ్నగర్లో 74శాతం, జగిత్యాల 70, నిజామాబాద్‌, జయశంకర్‌ భూపాలపల్లిల్లో 69 శాతానికి పైగా నమోదయ్యాయి. కానీ ఒక్క ఖమ్మం జిల్లాలో మాత్రమే 13శాతం మాత్రమే అధికంగా వర్షం నమోదైంది.
ఇవీ చదవండి:
