తెలంగాణలో కరోనా వైరస్‌ వ్యాప్తి కొనసాగుతూనే ఉంది. కొత్తగా 6,876 పాజిటివ్ కేసులు నమోదయ్యాయి. 59 మంది మరణించారు. రాష్ట్రంలో నిన్న రాత్రి 8 గంటల వరకు 70,961 మందికి కరోనా నిర్ధరణ పరీక్షలు నిర్వహించారు. ఇప్పటి వరకు నమోదైన కరోనా కేసుల సంఖ్య 4,63,361కి చేరింది. ఈ మేరకు వైద్య ఆరోగ్యశాఖ మంగళవారం ఉదయం బులిటెన్‌ విడుదల చేసింది.
కొవిడ్తో ఇప్పటి వరకు మృతిచెందిన వారి సంఖ్య 2,476కి చేరింది. ప్రస్తుతం రాష్ట్రంలో 79,520 యాక్టివ్‌ కేసులు ఉన్నాయని వైద్య ఆరోగ్యశాఖ తెలిపింది. జీహెచ్‌ఎంసీ పరిధిలో మరో 1029 కేసులు, మేడ్చల్‌ జిల్లాలో 502, రంగారెడ్డి జిల్లాలో 387 మందికి పాజిటివ్ వచ్చింది.
ఇదీ చూడండి: రాష్ట్రానికి చేరిన 4 లక్షల డోసులు.. నేటి నుంచి యథావిధిగా పంపిణీ
