US Open 2023 Winner Coco Gauff : యూఎస్ ఓపెన్ మహిళల సింగిల్స్‌లో అమెరికాకు చెందిన కొకో గాఫ్ సంచలనం సృష్టించింది. సొంతగడ్డపై యూఎస్ ఓపెన్ టైటిల్‌ను ముద్దాడింది. ఫైనల్లో రెండో సీడ్‌ అరీనా సబలెంకతో తలపడిన గాఫ్.. 2-6, 6-3, 6-2 తేడాతో విజయం సాధించింది. ఫలితంగా కెరీర్లో తొలి గ్రాండ్స్లామ్ టైటిల్‌ను సొంతం చేసుకుంది. ఈ క్రమంలో చిన్న వయసులోనే యూఎస్ ఓపెన్ సింగిల్స్ టైటిల్ గెలిచిన మూడో అమెరికన్గా గాఫ్ రికార్డులకెక్కింది. గాఫ్ కంటే ముందు సెరెనా విలియమ్స్ 1999లో ఈ ఫీట్ సాధించింది.
-
The moment you dream of! pic.twitter.com/5ua6u8mnXq
— US Open Tennis (@usopen) September 9, 2023 " class="align-text-top noRightClick twitterSection" data="
">The moment you dream of! pic.twitter.com/5ua6u8mnXq
— US Open Tennis (@usopen) September 9, 2023The moment you dream of! pic.twitter.com/5ua6u8mnXq
— US Open Tennis (@usopen) September 9, 2023
ఫైనల్ సాగిందిలా.. బెలారస్కు చెందిన ప్లేయర్ సబలెంకతో.. గాఫ్ ఫైనల్లో తలపడింది. ఈ పోటీలో తొలి రౌండ్లో 2-6 తేడాతో గాఫ్ ఓడింది. అయితే తొలి రౌండ్లో వెనుకబడ్డ గాఫ్.. రెండో రౌండ్లో అద్భుతంగా పుంజుకుంది. తన పోరాట పటిమతో సబలెంక దూకుడుకు కళ్లెం వేసింది. దీంతో రెండో రౌండ్ను 6-3తో గాఫ్ తన ఖాతాలో వేసుకుంది. రెండు రౌండ్లు ముగిసేసరికి చెరొక గేమ్ గెలిచారు. దీంతో విన్నర్ డిసైడర్ కోసం మూడో రౌండ్ ఆడాల్సి వచ్చింది.
ఇక మూడో రౌండ్లో గాఫ్.. ఆత్మవిశ్వాసంతో ప్రత్యర్థిని ఎదుర్కొంది. ఈ రౌండ్లో సబలెంక తప్పిదాలను గాఫ్.. తనకు అనుకూలంగా మార్చుకొని చెలరేగింది. ఈ రౌండ్లో 6-2 తేడాతో సబలెంకను ఓడించి.. గాఫ్ టైటిల్ కొట్టేసింది. అంతేకాకుండా గత నాలుగేళ్లలో గాఫ్.. సబలెంకను ఏడాదికి ఓసారైనా ఓడిస్తూ వస్తోంది. ఈ విజయంతో గాఫ్.. వరుసగా 12 వ విక్టరీ నమోదు చేసింది. తాజా యూఎస్ ఓపెన్తో సహా.. గత 40 రోజుల్లో వాషింగ్టన్ ఓపెన్, సిన్సినటి ఓపెన్ టైటిళ్లను సాధించింది.
-
Coco spilled the tea on her dad’s emotion 😅 pic.twitter.com/mzk0GvmHrj
— US Open Tennis (@usopen) September 9, 2023 " class="align-text-top noRightClick twitterSection" data="
">Coco spilled the tea on her dad’s emotion 😅 pic.twitter.com/mzk0GvmHrj
— US Open Tennis (@usopen) September 9, 2023Coco spilled the tea on her dad’s emotion 😅 pic.twitter.com/mzk0GvmHrj
— US Open Tennis (@usopen) September 9, 2023
US Open 2023 Alcaraz vs Medvedev : మరోవైపు పురుషుల సింగిల్స్‌లో.. ప్రపంచ నంబర్‌వన్ అల్కరాస్‌ సెమీస్లో ఓడాడు. మూడో సీడ్‌ మెద్వెదవ్తో తలపడిన అతడు.. 6-7, 1-6, 6-3, 3-6 తేడాతో ఓడి టోర్నీ నుంచి నిష్క్రమించాడు. మరో సెమీస్లో రెండో సీడ్‌ సెర్బియా ప్లేయర్ జకోవిచ్‌.. బెన్‌ షెల్టన్‌తో తలపడ్డాడు. ఈ పోటీలో 6-3, 6-2, 7-6 తేడాతో జకోవిచ్‌ గెలిచి ఫైనల్స్లోకి దూసుకెళ్లాడు. ఈ క్రమంలో యూఎస్ ఓపెన్‌లో అత్యధిక సార్లు (10) ఫైనల్స్ చేరిన ఆటగాడిగా జకోవిచ్‌ రికార్డులకెక్కాడు.
