ETV Bharat / Lok Sabha Elections 2024
Lok Sabha Elections 2024
లోక్సభ ఎన్నికల్లో రాజకీయ పార్టీలు ప్రచారం ముమ్మరం చేశాయి. 15 సీట్లే లక్ష్యంగా కాంగ్రెస్ జోరుగా ప్రచారం చేస్తుంటే, రెండంకెల సీట్లు గెలవాలని బీజేపీ తీవ్రంగా ప్రయత్నిస్తోంది. మరోవైపు పార్లమెంటులో తెలంగాణ గళం వినిపించేది తమేనంటూ బీఆర్ఎస్ ప్రజల్లోకి వెళ్తోంది. మొత్తానికి రాష్ట్రంలో రాజకీయ వేడి రాజుకుంటోంది. అధికార పార్టీపై గ్యారంటీల అమలు, ఎన్నికల హామీల అమల్లో జాప్యం గురించి ప్రతిపక్షాలు విమర్శిస్తుంటే, పదేళ్లలో మీరేం చేశారంటూ కాంగ్రెస్ పార్టీ బీఆర్ఎస్, బీజేపీలపై విరుచుకు పడుతోంది. అసెంబ్లీ ఎన్నికల ఫలితాలే పార్లమెంట్ ఎన్నికల్లోనూ పునరావృతం అవుతాయని ధీమా వ్యక్తం చేస్తోంది. మరోవైపు బీఆర్ఎస్, బీజేపీలు మాత్రం కాంగ్రెస్ పార్టీ ఎన్నికల్లో ఇచ్చిన హామీలు విస్మరించిందని ఆ పార్టీకి ఓటు వేయొద్దంటూ ప్రజల్లోకి వెళ్తున్నారు.
