Swiss Open: ప్రపంచ ఛాంపియన్షిప్ రజత పతక విజేత కిదాంబి శ్రీకాంత్ స్విస్ ఓపెన్ క్వార్టర్ పైనల్స్కు అర్హత సాధించాడు. ఫ్రాన్స్ క్రీడాకారుడు క్రిస్టో పొపొవ్పై 13-21, 25-23, 21-11 తేడాతో విజయం సాధించాడు. శ్రీకాంత్ తన తర్వాత మ్యాచ్లో డేన్ అండర్స్ అంటోన్స్సెన్తో తలపడనున్నాడు. ఒలింపిక్ ఛాంపియన్ అక్సెల్సేన్ వాకోవర్ ఇవ్వడం వల్ల మరో భారత్ షట్లర్ పారుపల్లి కశ్యప్ కూడా క్వార్టర్ ఫైనల్కు దూసుకెళ్లాడు.
పురుషుల డబుల్స్లో సాత్విక్ సాయిరాజ్- చిరాగ్ శెట్టి జోడీ.. ఇండోనేసియాకు చెందిన ప్రముద్య కుసుమవర్ధన-ఈరిచ్ యోచీ చేతిలో 19-21, 20-22 తేడాతో ఓడిపోయింది. మహిళల సింగిల్స్లో అష్మితా చలిహా 18-21 20-22 తేడాతో ఎనిమిదో సీడ్ స్కాట్ కిర్స్టీ గిల్మర్‌ చేతిలో రెండో రౌండ్లో ఓడిపోయింది. కాగా, బుధవారం జరిగిన మహిళల సింగిల్స్లో భారత స్టార్ షట్లర్లు పీవీ సింధు, సైనా నెహ్వాల్ రెండో రౌండ్కు చేరుకున్నారు. మహిళల డబుల్స్లో అశ్విని పొన్నప్ప, సిక్కిరెడ్డి జంట కూడా తొలి రౌండ్లో విజయం సాధించింది.
ఇదీ చదవండి: IPL 2022: కెప్టెన్గా ఎంపికవ్వడంపై జడ్డూ ఏమన్నాడంటే?
