కఠిన పరిస్థితుల నుంచి పుంజుకొని.. పోరాడటం విరాట్ కోహ్లీ నేతృత్వంలోనే టీమ్ఇండియాకు బాగా తెలుసని అన్నాడు ఇంగ్లాండ్ ప్రధాన కోచ్ క్రిస్ సిల్వర్వుడ్. ఇంగ్లాండ్పై ఓవల్ టెస్టులో టీమ్ఇండియా (eng vs ind) చారిత్రక విజయం సాధించిన అనంతరం ఆయన ఈ మేరకు వ్యాఖ్యానించారు.
"టీమ్ఇండియాపై ఒత్తిడి పెంచే అవకాశం వచ్చినా మేం ఆ పని చేయలేకపోయాం. అయితే భారత క్రికెటర్లకు క్రెడిట్ ఇవ్వాలి. వారికి తిరిగి పోరాడటం తెలుసు."
- క్రిస్ సిల్వర్వుడ్, ఇంగ్లాండ్ హెడ్ కోచ్
157 పరుగుల తేడాతో నాలుగో టెస్టులో ఇంగ్లాండ్ను చిత్తుగా ఓడించింది టీమ్ఇండియా. తొలి నుంచి పోటాపోటీగా సాగిన మ్యాచ్లో గెలిచే అవకాశం ఉన్నప్పటికీ ఆఖరి రోజున దానిని చేజార్చుకుంది ఇంగ్లీష్ జట్టు. 368 పరుగల లక్ష్యంతో బరిలోకి దిగిన రూట్ సేనకు.. రెండో ఇన్నింగ్స్లో శుభారంగమే దక్కింది. వికెట్ నష్టపోకుండా 100 పరుగులు చేసిన ఇంగ్లాండ్ను టీ అనంతరం మరో 40 నిమిషాల్లోనే 210 పరుగుల వద్ద ఆలౌట్ చేసింది టీమ్ఇండియా.
ఇవీ చూడండి:
