IND vs SL 2nd T20: స్వదేశంలో వెస్టిండీస్‌పై ఇటీవలే టీ20 సిరీస్ గెలిచిన టీమ్ఇండియా.. శ్రీలంకపై కూడా అదే పునరావృతం చేయాలని భావిస్తోంది. ఆల్‌రౌండ్‌ ప్రదర్శనతో తొలి మ్యాచ్లో జయకేతనం ఎగురవేసిన రోహిత్సేన.. శనివారం రెండో టీ20లో గెలిచి సిరీస్‌ను కైవసం చేసుకోవాలని చూస్తోంది.
గతేడాది టీ20 ప్రపంచకప్‌లో నాకౌట్ చేరకుండానే ఇంటిదారి పట్టిన భారత్.. అవసరమైన మార్పులతో బలమైన జట్టును తయారు చేసుకునే పనిలో పడింది. కుర్రాళ్లకు అవకాశాలు ఇస్తూ ఏ స్థానంలోనైనా ఆడగలిగేలా ఆటగాళ్లను తీర్చిదిద్దుతోంది. విండీస్తో సిరీస్లో ఆశించిన మేర రాణించని ఇషాన్ కిషన్.. లంకతో మ్యాచ్లో ఫామ్‌లోకి రావడం పట్ల జట్టు సంతోషంగా ఉంది. గాయంతో తొలి మ్యాచ్‌కు దూరమైన రుతురాజ్ గైక్వాడ్ ఈ మ్యాచ్‌కు ఫిట్‌నెస్‌ సాధిస్తే ఇషాన్‌తో కలిసి ఇన్నింగ్స్ ప్రారంభించే అవకాశం ఉంది.
విరాట్‌ కోహ్లీ గైర్హాజరీలో వన్‌డౌన్‌లో బ్యాటింగ్‌కు వచ్చి రాణించిన శ్రేయస్ అయ్యర్ అదే స్థానంలో రానున్నాడు. జడేజా బ్యాటింగ్ ఆర్డర్‌లో ముందుకు రానున్నాడు. చాలా కాలం తర్వాత జట్టులోకి వచ్చిన సంజూ శాంసన్.. అవకాశం కోసం ఎదురు చూస్తున్నాడు. భారత బౌలింగ్ దళం సైతం బలంగా కనిపిస్తోంది. గత మ్యాచ్లో కెప్టెన్ ఏడుగురు బౌలర్లను వినియోగించుకోవడం శుభపరిణామం. టీ20ల్లో వరుసగా 10 మ్యాచుల్లో గెలిచిన టీమ్ఇండియాను ఓడించాలని శ్రీలంక భావిస్తోంది. ధర్మశాల వేదికగా శనివారం సాయంత్రం 7 గంటలకు మ్యాచ్ ప్రారంభం కానుంది.
జట్లు
టీమ్ఇండియా : రోహిత్ శర్మ (కెప్టెన్), ఇషాన్ కిషన్ (వికెట్ కీపర్), శ్రేయస్ అయ్యర్, సంజు శాంసన్, రవీంద్ర జడేజా, దీపక్ హుడా, వెంకటేశ్ అయ్యర్, హర్షల్ పటేల్, భువనేశ్వర్ కుమార్, బూమ్రా, చాహల్, రుతురాజ్ గౌక్వాడ్, రవి బిష్ణోయ్, ఆవేశ్ ఖాన్, సిరాజ్, కులదీప్ యాదవ్
శ్రీలంక : పతుమ్ నిశాంక, దినేశ్ చండీమాల్, జనిత్ లియనాగే, శనక, కరుణరత్నె, చమీర, జయవిక్రమ, వాండర్సే, లహిరు కుమార, గుణతిలక, అశియన్ డేనియల్స్ షిరాన్ ఫెర్నాండో, బినురా ఫెర్నాండో
ఇదీ చూడండి : టీమ్ఇండియా టీ20 రికార్డ్.. వరుసగా పది మ్యాచ్ల్లో
