టీమ్ఇండియా స్టార్ ఆల్రౌండర్ హార్దిక్ పాండ్య అరుదైన ఘనత సాధించాడు. ఇన్స్టాగ్రామ్లో అత్యధిక ఫాలోవర్స్ కలిగిన క్రీడాకారుల్లో చోటు సంపాదించుకున్నాడు. నాదల్, రోజర్ ఫెదరర్, మ్యాక్స్ వెర్స్టాపెన్, ఎర్లింగ్ లాంటి దిగ్గజాలను వెనక్కి నెట్టి పాండ్య ఈ ఘనత సాధించాడు. ఈ మేరకు తన ఇన్స్టా ఖాతాలో ఓ వీడియో పోస్టు చేశాడు
హార్దిక్ పాండ్య ఇన్స్టాగ్రామ్లో 25 మిలియన్ల(2.5 కోట్లు) ఫాలోవర్లతో సొంతం చేసుకున్నాడు. ఈ సందర్భాన్ని పురస్కరించుకుని ఆతడి భార్య నటాషా స్టాన్కోవిక్ అడిగిన 25 ప్రశ్నలకు హార్దిక్ పాండ్య సమాధానాలిచ్చాడు. ఎక్కువ ఫాలోవర్లు ఉన్న లిస్టులో.. దిగ్గజ క్రీడాకారులు నాదల్, రోజర్ ఫెదరర్, మ్యాక్స్ వెర్స్టాపెన్, ఎర్లింగ్ను అధిగమించాడు. ఈ ఘనత దక్కినందుకు తన అభిమానులకు, ఫాలోవర్లకు కృతజ్ఞతలు తెలిపాడు. "నాపై ప్రేమ చూపిస్తున్న ఫ్యాన్స్కు థ్యాంక్స్. నాకు ప్రతి ఒక్కరి అభిమానం ప్రత్యేకమే. ఇన్నేళ్లుగా నాపై ప్రేమను కురిపిస్తూ మద్దతుగా నిలుస్తున్న అందరికీ ధన్యవాదాలు తెలుపుతున్నాను." అని హార్దిక్ పాండ్య పోస్టు పెట్టాడు. ఇన్స్టాలోనే కాకుండా ట్విట్టర్లోనూ హార్దిక్ పాండ్యకు చాలా మంది ఫాలోవర్లు ఉన్నారు. అందులో పాండ్యకు దాదాపు 80 లక్షల మంది ఫాలోవర్లు ఉన్నారు.
హార్దిక్ పాండ్య అటు కెరీర్లో.. ఇటు పర్సనల్ లైఫ్లో దూసుకుపోతున్నాడు. టీమ్ఇండియా టీ20 ఫార్మాట్ కెప్టెన్గా బాధ్యతలు చేపట్టిన పాండ్య.. తన ప్రేయసిని రెండో వివాహం చేసుకున్నాడు. ఉదయ్పుర్ వేదికగా రెండేళ్ల కుమారుడు అగస్త్య సాక్షిగా నటాషాను మళ్లీ పెళ్లి చేసుకున్నాడు. 2020 కోవిడ్ లాక్డౌన్ సమయంలో వివాహం చేసుకున్నారు. అప్పుడు చిన్నగా చేసుకోవడం వల్ల.. ఇప్పుడు ఘనంగా హిందూ, క్రిస్టియన్ సంప్రదాయాల ప్రకారం ఒక్కటయ్యారు.
కాగా, ప్రస్తుతం జరుగుతున్న బోర్డర్ గావస్కర్ ట్రోఫీ భాగంగాలో ఆస్ట్రేలియాతో జరుగుతున్న నాలుగు టెస్టుల సరీస్కు హార్దిక్ దూరంగా ఉన్నాడు. ఈ ట్రోఫీలో ఇప్పటికే మూడు మ్యాచ్లు పూర్తయ్యాయి. 2-1 తేడాతో భారత్ అధిక్యంలో కొనసాగుతోంది. ఇక మూడో మ్యాచ్ మార్చి 9 నుంచి జరగనుంది. అయితే కంగారూలతో జరగబోయే వన్డే సిరీస్కు హార్దిక్ అందుబాటులో ఉంటాడు.
అయితే, జనవరి 2023 వరకు ఇన్స్టాలో అత్యధిక ఫాలోవర్లు కలిగిన వ్యక్తిగా క్రిస్టియానో రోనాల్డో నిలిచాడు. అతడికి 539 మిలియన్లు ఫాలోవర్లు ఉన్నారు. ఇక తర్వాత స్థానాల్లో సాకర్ వీరుడు లియోనెల్ మెస్సీ(424 మిలియన్లు), అమెరికా మీడియా పర్సనాలిటి, వ్యాపార వేత్త కైల్ జెన్నెర్(379 మిలియన్లు), సింగర్ సెలీనా గోమెజ్(373 మిలియన్లు), మాజీ రెజ్లర్, హాలీవుడ్ నటుడు ది రాక్ (360) ఉన్నారు.
- " class="align-text-top noRightClick twitterSection" data="
">