క్రికెట్ దిగ్గజం సచిన్ తెందూల్కర్, టీమ్ఇండియా సారథి విరాట్ కోహ్లీలకు ట్విట్టర్, ఫేస్బుక్, ఇన్స్టాగ్రామ్లలో విపరీతమైన ఫాలోయింగ్ ఉంది. సామాజిక మాధ్యమాల్లో వాళ్ల పోస్టులకు అంతే స్థాయిలో లైక్లు, కామెంట్లు వస్తుంటాయి. కానీ ఈ ఇరువురు సాధించలేని ఓ అరుదైన ఘనతను.. యువ హిట్టర్, దిల్లీ క్యాపిటల్స్ జట్టు కెప్టెన్ శ్రేయస్ అయ్యర్ సొంతం చేసుకున్నాడు.
ఒకే ఒక్కడు..
సామాజిక మాధ్యమం ఇన్స్టాగ్రామ్నకు 'ఇన్స్టా'లో ఓ అధికారిక ఖాతా ఉంది. అది కేవలం ఓ 60 మందిని మాత్రమే అనుసరిస్తోంది. అందులో శ్రేయస్ అయ్యర్ చోటు దక్కించుకోవడం విశేషం. భారత్ నుంచి ఇన్స్టా.. అనుసరిస్తున్న ఒకే ఒక్క క్రీడాకారుడు శ్రేయస్. ఐపీఎల్లో శ్రేయస్ అద్భుతమైన ప్రదర్శన కారణంగానే ఇన్స్టాగ్రామ్ అతడి ఖాతాను ఫాలో అవుతున్నట్లు తెలుస్తోంది.
ఐపీఎల్లో దిల్లీ క్యాపిటల్స్కు నాయకత్వం వహించిన శ్రేయస్ అయ్యర్.. ఈ సీజన్లో 500 పరుగులు సాధించాడు. లీగ్ చరిత్రలో తొలిసారి ఫైనల్కు చేరిన దిల్లీ జట్టు.. ముంబయితో తలపడి రన్నరప్గా నిలిచింది.
ఇదీ చూడండి:'సరైన వ్యక్తితో నిర్బంధంలో సమయాన్ని గడుపుతున్నా!'
