మెగాపవర్స్టార్ రామ్చరణ్-దర్శకుడు శంకర్ కాంబోలో ప్రతిష్ఠాత్మకంగా తెరకెక్కనున్న సినిమాకు సంగీత దర్శకుడు ఖరారు చేసింది చిత్రబృందం. ఈ చిత్రానికి తమన్ స్వరాలు సమకూర్చనున్నట్లు అధికారికంగా ప్రకటించింది. 135 మంది మ్యూజిషియన్లతో కలిసి తమన్ తొలి రికార్డింగ్ పూర్తి చేసినట్లు వెల్లడించింది.
ఈ సినిమా కోసం మాటల రచయిత సాయిమాధవ్ బుర్రా, జానీ మాస్టర్ను ప్రధాన కొరియోగ్రాఫర్ ఇప్పటికే ఎంపిక చేశారు. కియారా అడ్వాణీని హీరోయిన్గా నటించనున్నట్లు ప్రచారం సాగుతోంది. త్వరలో దీనిపై అధికారిక ప్రకటన వచ్చే అవకాశముంది. భారీ బడ్జెట్తో రూపొందే ఈ చిత్రం.. రాజకీయ నేఫథ్య కథతో తీయనున్నట్లు వార్తలు వస్తున్నాయి. వచ్చే నెల నుంచి షూటింగ్ ప్రారంభం కానుంది. దిల్రాజు నిర్మాతగా వ్యవహరిస్తున్నారు.
18 ఏళ్ల తర్వాత శంకర్తో తమన్
సంగీత దర్శకుడు కాకముందే తమన్ ఓ సినిమా చేశారు. అది కూడా ప్రముఖ దర్శకుడు శంకర్. 'బాయ్స్'(2003) చిత్రంలో ప్రధాన పాత్రధారుల్లో ఒకరిగా నటించారు తమన్. ఆ తర్వాత మ్యూజిక్ను కెరీర్గా ఎంచుకుని, దక్షిణాది టాప్ సంగీత దర్శకుల్లో ఒకరిగా కొనసాగుతున్నారు. ఇప్పుడు రామ్చరణ్ సినిమాకు పనిచేస్తున్నారు. దీంతో 18 ఏళ్ల తర్వాత శంకర్తో మళ్లీ కలిసి పనిచేసేందుకు సిద్ధమయ్యారు.
ఇదీ చూడండి: Ramcharan-Shankar: రామ్చరణ్ రచ్చ.. వచ్చే నెల నుంచి!
