RC 15 movie video leaked: చిత్రసీమలో లీక్ల బెడద తప్పట్లేదు. మేకర్స్ ఎన్ని జాగ్రత్తలు తీసుకుంటున్నా లీక్ కష్టాలు వెంటాడుతున్నాయి. తాజాగా ఇప్పుడా సెగ మెగాహీరో రామ్చరణ్ నటిస్తున్న 'ఆర్సీ 15'కు తగిలింది. ఈ సినిమా షూటింగ్లో భాగంగా చరణ్ మీద తెరకెక్కిస్తున్న సన్నివేశానికి సంబంధించిన ఓ చిన్న వీడియో బయటకు వచ్చింది. ప్రస్తుతం ఈ వీడియో సోషల్మీడియాలో వైరల్గా మారింది. ఇందులో చెర్రీ.. ధోతీ ధరించి ఎవరితోనో మాట్లాడుతున్నట్లు, సైకిల్ తొక్కుతూ కనిపించారు. ఈ క్లిప్ చూసిన నెటిజన్లు కమల్హాసన్ 'భారతీయుడు' సినిమా గుర్తుకొస్తుందని కామెంట్లు చేస్తున్నారు.
ప్రముఖ దర్శకుడు శంకర్ తెరకెక్కిస్తున్న ఈ చిత్రంలో చెర్రీ సరసన కియారా అద్వానీ నటిస్తోంది. దిల్‌రాజు నిర్మాతగా వ్యవహరిస్తున్నారు. దాదాపు రూ.300కోట్లతో ఈ మూవీని రూపొందించనున్నారట! పొలిటికల్ థ్రిల్లర్గా తెరకెక్కించనున్న ఈ సినిమాకు తమన్ స్వరాలు సమకూరుస్తున్నారు. ఇందులో చెర్రీ.. రెండు విభిన్న గెటప్లలో కనిపించనున్నారని తెలిసింది. సునీల్, అంజలి, జయరాయ్ తదితరులు కీలకపాత్రలు పోషిస్తున్నారు.
ఇదీ చూడండి: ఆస్కార్: ఈ ఐదుగురిలో ఉత్తమ నటుడు ఎవరవుతారో?
