*రెబల్స్టార్ కృష్ణంరాజు పుట్టినరోజు సందర్భంగా డార్లింగ్ ప్రభాస్, 'రాధేశ్యామ్' టీమ్ ఆయనకు శుభాకాంక్షలు చెప్పింది. ఓ పోస్టర్ను కూడా సోషల్ మీడియాలో పోస్ట్ చేశారు.
'రాధేశ్యామ్'లో కృష్ణంరాజు, పరమహంస అనే సాధువు పాత్రలో నటించారు. కరోనా కారణంగా సంక్రాంతికి రావాల్సిన ఈ సినిమా వాయిదా పడింది. ఇందులో ప్రభాస్ సరసన పూజాహెగ్డే హీరోయిన్గా చేసింది. రాధాకృష్ణ కుమార్ దర్శకత్వం వహించారు.
*బాలయ్య కొత్త సినిమాలో కీలకపాత్రలో నటిస్తున్న దునియా విజయ్కు పుట్టినరోజు శుభాకాంక్షలు చెప్పారు డైరెక్టర్ గోపీచంద్ మలినేని. ఆయనతో తీసుకున్న ఓ ఫొటోను పోస్ట్ చేశారు.
#NBK107 టైటిల్తో తెరకెక్కుతున్న ఈ సినిమాలో బాలయ్య సరసన శ్రుతిహాసన్ హీరోయిన్గా నటిస్తోంది. వరలక్ష్మి శరత్కుమార్ కీలకపాత్రలో నటిస్తోంది. తమన్ సంగీతమందిస్తుండగా, మైత్రీ మూవీ మేకర్స్ నిర్మిస్తోంది.
*ఓటీటీలో ఈ శుక్రవారం పలు క్రేజీ సినిమాలు, సిరీస్లు ప్రేక్షకుల ముందుకు రానున్నాయి. ఇందులో బాలయ్య 'అఖండ' డిస్నీ ప్లస్ హాట్స్టార్లో, నాని 'శ్యామ్సింగరాయ్' నెట్ఫ్లిక్స్లో, 'లూజర్' వెబ్ సిరీస్ సీజన్ 2 జీ5లో అందుబాటులోకి రానున్నాయి. వీటి కోసం అభిమానులు ఆత్రుతగా ఎదురుచూస్తున్నారు.
ఇవీ చదవండి:
