Satwiksairaj Chirag Shetty Thailand Open: భారత స్టార్ షట్లర్లు సాత్విక్ సాయిరాజ్- చిరాగ్ శెట్టి ద్వయం థాయ్లాండ్ ఓపెన్ పురుషుల డబుల్స్ ఈవెంట్ ఫైనల్లో నెగ్గింది. చైనీస్ జోడీ చెన్ బొ యంగ్- లి యూ తో ఆదివారం జరిగిన ఫైనల్స్లో సాత్విక్- చిరాగ్ ద్వయం 21-15, 21-15 తేడాతో వరుస సెట్లలో అలవోకగా నెగ్గి టైటిల్ ముద్దాడింది.
ఇండియన్ టాప్ సీడ్ సాత్విక్- చిరాగ్ శెట్టి గేమ్ ప్రారంభం నుంచే దూకుడుగా ఆడారు. తొలి రౌండ్ సగం టైమ్లో 12-11తో లీడ్లోకి వెళ్లిన ఈ జోడీ ఏకంగా 21-15తో ముగించింది. ఇక రెండో రౌండ్లోనూ పూర్తి ఆధిపత్యం ప్రదర్శించిన టాప్ సీడ్ 45 నిమిషాల్లో గేమ్ ముంగించేశారు. 'థాయ్లాండ్లో మళ్లీ గెలవడం ఆనందంగా ఉంది. థామస్కప్తో పాటు ఇక్కడ మాకు ఇది తొలి సూపర్ ఫోర్ సిరీస్' అని సాత్విక్- చిరాగ్ మ్యాచ్ అనంతరం మాట్లాడారు.
