కరోనా వ్యాప్తి కారణంగా ఈసారి ఆస్కార్ అకాడమీ పురస్కారాల వేడుక జరగదనే ఊహాగానాలు వినిపిస్తున్నాయి. అయితే ఈ ఈవెంట్ను వర్చువల్గా జరపమని నిర్వాహకులు ధ్రువీకరించారు. 'ఇన్-పర్సన్ టెలికాస్ట్' పద్ధతిని అనుసరిస్తామని అకాడమీ ప్రతినిధి ఒకరు స్పష్టం చేశారు.
అయితే మహమ్మారి కారణంగా ఈ సారి ఆస్కార్ అవార్డ్స్ కార్యక్రమాన్ని కొంత ఆలస్యంగా.. 2021 ఏప్రిల్ 25న నిర్వహించాలని అకాడమీ ఆఫ్ మోషన్ ఆర్ట్స్ అండ్ సైన్సెస్ నిర్ణయించింది. ఈ పురస్కారాల వేడుకను కొంత ఆలస్యంగా నిర్వహించడం ద్వారా థియేటర్లు తెరచుకుని ఎక్కువ సినిమాలు విడుదలవ్వడానికి వీలు కలుగుతుందని అకాడమీ అభిప్రాయపడింది. దీంతో ఈ వేడుకకు ఎక్కువగా నామినేషన్లు వచ్చే అవకాశం ఉందని తెలుస్తోంది. మరోవైపు ఎప్పటిలాగే వేడుక జరిగేలా అకాడమీ దృష్టి సారించింది.
93వ అకాడమీ అవార్డుల బరిలో ఉత్తమ అంతర్జాతీయ ఫీచర్ ఫిల్మ్ విభాగంలో భారత్ నుంచి మలయాళ చిత్రపరిశ్రమకు చెందిన జల్లికట్టు పోటీలో ఉంది. ఆస్కార్ రేసులో ఉన్న ఏకైక భారతీయ చిత్రమిదే. వచ్చే ఏడాది జరగనున్న అకాడమీ అవార్డుల షార్ట్లిస్టును ఫిబ్రవరి 9న ఎంపికచేసి.. మార్చి 15న నామినేషన్లు ప్రకటిస్తారు.
ఇదీ చూడండి: దాదాసాహెబ్ ఫాల్కే పురస్కార వేడుకకు ముహూర్తం ఖరారు
