Chiranjeevi and Ram Charan Dance: మెగాస్టార్ చిరంజీవి వేసే స్టెప్పులు అభిమానులకు పూనకాలు తెప్పిస్తాయి. 'ఆఫ్టర్ ఏ లాంగ్ గ్యాప్ బాస్ ఈజ్ బ్యాక్' అంటూ 'ఖైదీ నంబర్ 150'తో రీఎంట్రీ ఇచ్చిన చిరు తన స్పీడును ఏ మాత్రం తగ్గించలేదు. అదే స్టైల్, అదే గ్రేస్తో డ్యాన్స్ చేసి అభిమానులను అలరించారు. ఆ సినిమాలో మరో బోనస్ 'అమ్మడు లెట్స్ డూ కుమ్ముడు' పాట. ఎందుకంటే ఇందులో గెస్ట్ రోల్లో వచ్చిన మెగా పవర్స్టార్ రామ్చరణ్.. చిరుతో కలిసి కాసేపు స్టెప్పులు వేశారు. దీంతో వీరి కాంబినేషన్లో మళ్లీ ఇంకో పాట ఎప్పుడు వస్తుందా అని ఎదురుచూస్తున్న అభిమానులకు 'ఆచార్య' దర్శకుడు కొరటాల శివ ఆసక్తికర అప్డేట్ ఇచ్చారు.
అభిమానులకు ఫుల్ మీల్స్!
ఇప్పటివరకు మెగాస్టార్, మెగా పవర్స్టార్ కలిసి నటించినా.. ఓ పూర్తిపాటకు స్టెప్పులు వేసే అవకాశం రాలేదు. అయితే అభిమానులకు కొరటాల ఈ లోటును తీరుస్తున్నారు. 'ఆచార్య'లో సిద్ధ, ఆచార్యగా నటిస్తున్న రామ్చరణ్, చిరంజీవి ఒక పూర్తి పాటకు కలిసి డ్యాన్స్ చేస్తారని కొరటాల ఇటీవల ఓ ఇంటర్వ్యూలో వెల్లడించారు. శేఖర్ మాస్టర్ కంపోజ్ చేసిన స్టెప్పులు చక్కగా వచ్చాయని.. బాస్ గ్రేస్కు, చరణ్ స్పీడుకు సరిగ్గా సరిపోయాయని అన్నారు.
- " class="align-text-top noRightClick twitterSection" data="">
'ఆశ్చర్యంతో ఉండిపోయా'
షూటింగ్ జరిగినన్ని రోజులు వాళ్ల డ్యాన్స్ చూసి ఆశ్చర్యంలో ఉండిపోయానని అన్నారు కొరటాల శివ. '5 లేదా 6 రాత్రులు జరిగిన ఈ పాట షూటింగ్ చూడడానికి ఇండస్ట్రీకి చెందిన ఎందరో ప్రముఖులు వచ్చారు' అని తెలిపారు. అభిమానులకు ఇదో విజువల్ ఫీస్ట్ అవుతుందని.. త్వరలోనే ఈ పాటకు సంబంధించిన అప్డేట్ రిలీజ్ చేస్తామన్నారు కొరటాల.
ఇదీ చూడండి : చిరుత సీన్పై స్పందించిన 'ఆచార్య' డైరెక్టర్ కొరటాల
