షాపింగ్ మాల్లో కుప్పకూలిన లిఫ్ట్, ఆరుగురికి గాయాలు - Lift Collapse in shopping mall
Published : May 16, 2024, 8:25 PM IST
Lift Collapse in shopping mall At Sadashivpet : సంగారెడ్డి జిల్లా సదాశివపేటలోని షాపింగ్ మాల్లో ప్రమాదం చోటుచేసుకుంది. ప్రమాదవశాత్తు లిఫ్ట్ కూలిపడింది. ఈ ప్రమాదంలో అందులో ఉన్న ఆరుగురికి గాయాలయ్యాయి. గాయాల పాలైన వారిని ఆసుపత్రికి తరలించారు. అయితే లిఫ్ట్ తెగిపడటానికి కారణం ఓవర్లోడ్ అని తెలిసింది.
ఇదీ జరిగింది : సదాశివపేట పట్టణంలోని ఓ ఫ్యాషన్ షాపింగ్ మాల్లోని లిఫ్ట్లో 16 మంది వెళ్తున్నారు. ఈ క్రమంలోనే అకస్మాత్తుగా లిఫ్ట్ విరిగింది. ఒక్కసారిగా ఓవర్లోడ్ కావడంతో కేబుల్ తెగిపడింది. ఈ ఘటనలో ఆరుగురికి గాయాలయ్యాయి. దీంతో క్షతగాత్రులను సంగారెడ్డి చరిత్ర ఆసుపత్రికి తరలించారు. వీరిలో ప్రస్తుతం ముగ్గురు క్షేమంగా ఉన్నట్లుగా సమాచారం. లిఫ్ట్ తెగిపడటంతో అందులో ఉన్నవారు ఒక్కసారిగా భయబ్రాంతులకు గురయ్యారు. అయితే ఓవర్ లోడ్ వల్లే లిఫ్ట్ కూలిపోయిందని మాల్ నిర్వాహకులు తెలిపారు. ప్రమాదానికి సంబంధించిన మరిన్ని వివరాలు తెలియాల్సి ఉంది. లిఫ్ట్లో ఒక్కసారిగా ఇలా జరగడం స్థానికంగా కలకలం రేపింది.