ప్రపంచవ్యాప్తంగా కొవిడ్ విలయతాండవం కొనసాగుతోంది. తాజాగా 2లక్షల 72వేల మంది వైరస్ బారినపడ్డారు. ఫలితంగా మొత్తం కేసుల సంఖ్య 3కోట్ల 17లక్షలు దాటింది. కరోనా సోకిన వారిలో ఇప్పటివరకు 9లక్షల 74వేల మందికిపైగా మరణించారు. ఇప్పటివరకు 2.33 కోట్ల మంది వైరస్ను జయించారు. అన్ని దేశాల్లో కలిపి 74లక్షలకుపైగా యాక్టివ్ కేసులున్నాయి.
- అమెరికాలో కొవిడ్ పంజా విసురుతూనే ఉంది. కొత్తగా 35,696 మందికి కొవిడ్ పాజిటివ్గా నిర్ధరణ అయింది. దీంతో కేసుల సంఖ్య 70.97 లక్షలకు చేరింది. వైరస్తో పోరాడుతూ కొత్తగా 969 మంది చనిపోగా.. మృతుల సంఖ్య 2,05,471కి చేరింది.
- బ్రెజిల్లో వైరస్ ఉద్ధృతి కొనసాగుతూ.. మరో 35,252 కరోనా కేసులు వెలుగు చూశాయి. బాధితుల సంఖ్య 46లక్షలకు సమీపించింది. వైరస్ కారణంగా మరో 809 మంది ప్రాణాలు కోల్పోగా.. మరణాల సంఖ్య 1.38లక్షలు దాటింది.
- రష్యాలో కొత్తగా 6,215 కరోనా కేసులు వెలుగుచూడగా.. బాధితుల సంఖ్య 11,15,810కు ఎగబాకింది. తాజాగా 160 మంది మృతి చెందారు. ఫలితంగా మరణాల సంఖ్య 19,649కు చేరింది.
- కరోనా కేసుల పరంగా నాలుగో స్థానంలో కొలంబియాలో మంగళవారం ఒక్కరోజే 7,102 మందికి మహమ్మారి సోకింది. మొత్తం కేసుల సంఖ్య 7,77,537కు చేరింది. కొవిడ్ ధాటికి మరో 173 మంది ప్రాణాలు కోల్పోగా.. చనిపోయిన వారి సంఖ్య 24,570కు పెరిగింది.
- మెక్సికోలో మరో 2,917 మందికి వైరస్ నిర్ధరణ అయింది. మొత్తం కేసుల సంఖ్య 7లక్షల 580కు చేరింది. 611 మంది కరోనాతో చనిపోగా.. మృతుల సంఖ్య 73,697కు ఎగబాకింది.
- స్పెయిన్లో కొత్తగా 10,799 కొవిడ్ కేసులు వెలుగుచూశాయి. బాధితుల సంఖ్య 6,82,267కు చేరింది. 241 మరణాలతో.. మృతుల సంఖ్య 30,904కు పెరిగింది.
ఇదీ చదవండి: త్రీడీ పరిజ్ఞానంతో మెదడుతో కంప్యూటర్ల అనుసంధానం!
