భారత తొలి మానవ సహిత అంతరిక్ష ప్రయోగం గగన్యాన్ సహకారం కోసం భారత్, ఫ్రాన్స్ అంతరిక్ష సంస్థలు గురువారం ఒప్పందం కుదుర్చుకున్నాయి. అందులో భాగంగా.. భారత ఫ్లైట్ ఫిజీషియన్లకు ఫ్రాన్స్లో శిక్షణ అందనుంది.
ఒప్పందం ప్రకారం ఫ్రాన్స్ అంతరిక్ష సంస్థ సీఎన్ఈఎస్ అభివృద్ధి చేసి, పరీక్షించి, ప్రస్తుతం వినియోగిస్తున్న పరికరాలను భారత బృందానికి అందుబాటులో ఉంచనుంది. ఈ ఒప్పందం గురించి బెంగళూరులోని ఇస్రో ప్రధాన కార్యాలయాన్ని సందర్శించిన సందర్భంగా ఫ్రెంచ్ విదేశాంగ మంత్రి జీన్ డ్రియన్ ప్రకటన చేశారు.
మానవ అంతరిక్ష మిషన్ ప్రాజెక్టులో వ్యోమగాముల శిక్షణ చాలా కీలకం. అంతరిక్ష యాత్రకు ముందు, ప్రయాణంలో, ఆ తరువాత వ్యోమగామి ఆరోగ్యానికి ఫ్లైట్ ఫిజీషియన్లు (లేదా సర్జన్లు) బాధ్యత వహిస్తారు. ప్రస్తుత అంతరిక్ష వైద్యులందరూ భారత వైమానిక దళానికి చెందినవారే.
ఇదీ చూడండి: 'మార్స్ మిషన్' సమాచారాన్ని ఇస్రోతో పంచుకున్న నాసా
