కొవిడ్-19(కరోనా) సోకుతుందన్న భయంతో జపాన్ తీరంలో నిలిపేసిన డైమండ్ ప్రిన్సెస్ షిప్లోని మరో భారతీయునికి ఆ వ్యాధి సోకినట్లు అధికారులు తెలిపారు. ఓడ సిబ్బందిలోని భారతీయుల్లో ఇప్పటివరకు ముగ్గురికి ఈ మహమ్మారి సోకినట్లు జపాన్లోని భారత రాయబార కార్యాలయం ఓ ప్రకటనలో పేర్కొంది. వీరందరి ఆరోగ్య పరిస్థితి ప్రస్తుతం నిలకడగా ఉందని స్పష్టం చేసింది. ఓడలో మొత్తం 138 మంది భారతీయులున్నారు.
డైమండ్ ప్రిన్సెస్ షిప్లో మొత్తం 3,711మంది ప్రయాణికులుండగా.. 218 మందికి కొవిడ్-19 సోకినట్లు అధికారులు వెల్లడించారు. వీరందరినీ చికిత్స నిమిత్తం ఆస్పత్రులకు తరలించినట్లు పేర్కొన్నారు.
ఇదీ చూడండి: అమానుషం: బట్టలు విప్పి.. విద్యార్థినులకు తనిఖీలు
