ఆగ్నేయాసియా దేశాల్లో కొవిడ్ మహమ్మారి వేగంగా విజృంభిస్తోందని ఆందోళన వ్యక్తం చేసింది ప్రపంచ ఆరోగ్య సంస్థ(డబ్ల్యూహెచ్ఓ). వైరస్ను అరికట్టేందుకు సమష్టిగా కృషి చేయాలని పిలుపునిచ్చింది. త్వరలోనే వ్యాక్సిన్ అందుబాటులోకి వచ్చే అవకాశాలు ఉన్న నేపథ్యంలో పంపిణీకి సమర్థవంతమైన ప్రణాళికలను సిద్ధం చేసుకోవాలని కోరింది.
ప్రపంచంలో మిగతా దేశాలతో పోలిస్తే.. ఆగ్నేయాసియా ప్రాంతం కొవిడ్ కోరల్లో చిక్కుకుందని డబ్ల్యూహెచ్ఓ రీజనల్ డైరెక్టర్ డాక్టర్ పూనమ్ ఖేత్రపాల్ సింగ్ అన్నారు. వైరస్ వ్యాప్తిని నివారించేందుకు బలమైన నాయకత్వం అవసరమని ఆమె అభిప్రాయపడ్డారు. ప్రజారోగ్య చర్యలు పాటించాలని సూచించారు పూనమ్.
కరోనా వ్యాక్సిన్ కోసం.. ప్రపంచ దేశాలు ముమ్మర ప్రయోగాలు చేపట్టాయని తెలిపారు ఖేత్రపాల్. కొవిడ్ టీకా పంపిణీ కోసం సమర్థవంతమైన ప్రణాళికలు సిద్ధం చేసుకోవాలని సూచించారు. కొవిడ్ వ్యాక్సిన్ తొలుత అందరికీ అందడం కష్టమైన పని అని చెప్పిన పూనమ్.. అందువల్ల ముందుగా ఎవరికి ఇవ్వాలి అనే అంశంలో స్పష్టమైన రోడ్మ్యాప్ ఉండాలన్నారు. వ్యాక్సిన్ విషయంలో డబ్ల్యూహెచ్ఓ ప్రతిపాదనల్ని మరోసారి గుర్తుచేశారు పూనమ్. వైరస్ తీవ్రత అధికంగా ఉన్నవారికి తొలి ప్రాధాన్యం ఇవ్వాలని.. ఆ తర్వాతే ఇతరులకు అందించాలని సూచించారు.
ఇదీ చదవండి: ఆమె పెళ్లి కోసం అంతరిక్ష యాత్రకు నో
