Rashmika Mandanna Manager : ప్రముఖ హీరోయిన్ రష్మిక గురించి ప్రత్యేకంగా చెప్పనక్కర్లేదు. నేషనల్ క్రష్గా స్పెషల్ ఇమేజ్ను క్రియేట్ చేసుకున్న ఈ ముద్దుగుమ్మకు యూత్లో ఫుల్ క్రేజ్. అయితే తాజాగా మందాన్నకు ఓ షాకింగ్ ఇన్సిడెంట్ ఎదురైనట్లు తెలిసింది! ఆమె ఆర్థిక లావా దేవిల విషయంలో ఓ వ్యక్తి చేతిలో మోసపోయిందంటూ ప్రచారం సాగుతోంది. తన కెరీర్ మొదటినుంచి తన దగ్గరే ఎంతో నమ్మకంగా పనిచేస్తున్న మేనేజర్ ఆమెను మోసం చేశాడంటూ వార్తలు వస్తున్నాయి. దీంతో ఆమె అతడిని ఉద్యోగం నుంచి తొలగించినట్లు సమాచారం. సదరు మేనేజర్ తనకు తెలియకుండా సుమారు రూ.80 లక్షల వరకు కాజేశాడనే ఆరోపణలు బయటపడటంతో ఆమె ఈ నిర్ణయం తీసుకున్నట్లు తెలిసింది.
తనకు సమాచారం ఇవ్వకుండా రూ.80 లక్షలను మేనేజర్ వాడుకున్నాడంటూ రష్మిక అతడిపై చీటింగ్ కేసు కూడా ఫైల్ చేసినట్లు తెలుస్తోంది. అయితే ఈ విషయం బయటకు పొక్కకుండా హీరోయిన్ జాగ్రత్త పడినట్లు సమాచారం. అయితే ఈ వ్యవహారంపై రష్మిక టీమ్ మాత్రం అధికారికంగా స్పందించలేదు. మరి మేనేజర్ నిజంగానే మోసం చేశాడా? లేదంటే ఇదంతా ప్రచారమేనా? అనే విషయంపై క్లారిటీ రావాలంటే.. రష్మిక స్పందించే వరకు వేచి ఉండాల్సిందే.
Rashmika Animal Movie : ఇక రష్మిక సినిమాల విషయానికి వస్తే.. 2018లో వచ్చిన 'ఛలో' సినిమాతో టాలీవుడ్లో అడుగుపెట్టిన ఈ కన్నడ బ్యూటీ 'గీతా గోవిందం'తో కొద్దికాలంలోనే తెలుగు ఆడియనస్కు మరింత చేరువయ్యారు. ఈ సినిమాతో ఆమె విమరీతమైన క్రేజ్ను సంపాదించుకున్నారు. వరుసగా స్టార్ హీరోల సినిమాల్లో నటిస్తూ టాలీవుడ్లో టాప్ హీరోయిన్ల లిస్ట్లోకి చేరిపోయారు.
అలా ఈ ఏడాది జనవరిలో విడుదలైన హిందీ స్పై థ్రిల్లర్ 'మిషన్ మజ్ను'లో నటించి అలరించారు. ప్రస్తుతం బాలీవుడ్ నటుడు రణబీర్ కపూర్ సరసన 'యానిమల్‌'లో నటిస్తున్నారు. యాక్షన్ డ్రామా థ్రిల్లర్గా తెరకెక్కుతున్న ఈ సినిమాకు సందీప్ రెడ్డి వంగా దర్శకత్వం వహిస్తున్నారు. బాలీవుడ్ సీనియర్ నటులు అనిల్ కపూర్, బాబీ డియోల్ ప్రధాన పాత్రల్లో నటిస్తున్నారు. ఇటివలే విడుదలైన ఈ సినిమా ప్రీ-టీజర్‌కు మంచి రెస్పాన్స్ వస్తోంది. తెలుగు, హిందీ, మలయాళం, కన్నడ, తమిళం భాషల్లో ఆగస్ట్ 11న ఈ చిత్రం ప్రేక్షకుల ముందుకు రానుంది.
Rashmika Mandanna Pushpa : మరోవైపు అల్లు అర్జున్ సరసన పుష్ప సీక్వెల్ 'పుష్ప: ది రూల్'లో కూడా నటిస్తున్నారు. సుకుమార్ దర్శకత్వంలో తెరకెక్కుతున్న ఈ సినిమాలో రష్మిక శ్రీవల్లి క్యారెక్టర్లో కనిపించనున్నారు. రేయిన్‌బో అనే లేడి ఓరియెంటెడ్‌ సినిమాలో కూడా నటిస్తున్నారు రష్మిక.
