డేవిడ్ వార్నర్.. క్రికెట్ అభిమానులతో పాటు సోషల్మీడియా ఫాలో అయ్యే ప్రతి తెలుగువాడికి ప్రత్యేకంగా పరిచయం చేయాల్సిన అవసరం లేదు. ఎందుకంటే మైదానంలో అడుగుపెట్టాడంటే రెచ్చిపోయే ఈ ఆసీస్‌ బ్యాటర్‌, గతంలో సన్‌రైజర్స్‌ హైదరాబాద్‌కు కెప్టెన్గా ఐపీఎల్ కప్‌ను అందించాడు. అంతేకాకుండా తెలుగు, హిందీ.. ఇలా పలు భారతీయ సినిమాలకు సంబంధించిన పలు సాంగ్స్ను అనుకరిస్తూ సోషల్ మీడియాలో రీల్స్‌తో ఇక్కడి అభిమానులకు మరింత దగ్గరయ్యాడు. అలాగే హిట్ పాటలకు తన కుటుంబంతో కలిసి డ్యాన్సులేస్తూ అందర్నీ ఆకట్టుకున్నాడు. అయితే ప్రస్తుతం ఐపీఎల్లో దిల్లీ క్యాపిటల్స్ తరఫున ఆడుతున్న అతడు ఓ ఇంటర్వ్యూలో పాల్గొని.. తాను సినిమాల్లో నటించాల్సి వస్తే.. ఎవరితో కలిసి పనిచేస్తాడో చెప్పాడు.
'ఓ స్పై మూవీ చేయాల్సి వస్తే ఎవరితో కలిసి పనిచేస్తావ్ .. నీ డ్రీమ్ కాస్ట్ ఎవరు' అని ఇంటర్వ్యూయర్ అడగగా.. మహేశ్ బాబు, అల్లు అర్జున్, రష్మిక అని సమాధానమిచ్చాడు. ఆ చిత్రంలో తాను ఓ విలన్ పాత్ర పోషిస్తానని చెప్పుకొచ్చాడు. "నా డ్రీమ్ కాస్ట్ మహేశ్బాబు, అల్లుఅర్జున్, రష్మిక. రష్మిక అల్లుఅర్జున్తో కూడా పనిచేసింది. నేను బ్యాడ్ గాయ్గా ఉంటాను. విలన్ పాత్ర పోషిస్తాను. అది నా నేచర్" అని పేర్కొన్నాడు.
అలాగే తాను టిక్ టాక్ రీల్స్ ఎందుకు చేశాడో, ముఖ్యంగా ఇండియన్ సాంగ్స్ను ఎందుకు అనుకరించాడో కూడా వివరించాడు వార్నర్. "అసలు టిక్ టాక్ అంటే మొదట నాకు తెలీదు. నేను అంతగా పట్టించుకోలేదు. అయితే కొవిడ్ సమయంలో అసలు టిక్టాక్లో ఏం జరుగుతుందో అని చూడాలనుకున్నాను. నాకు నచ్చింది. అప్పుడే కొంతమంది ఓ సాంగ్ నువ్వు కూడా చేయ్ అని అడిగారు. అప్పుడు నాకు మూడు పాటలే తెలుసు. 'షీలా కీ జవానీ', 'మై తేరా హీరో', 'చమ్మక్ చల్లో సాంగ్స్'. మేము 'షీలా కీ జవానీ' చేశాం. అంతే దీంతో మిలయన్స్ రిక్వెస్ట్లు వచ్చాయి. అలాగే హైదరాబాదీ ఫ్యాన్స్.. 'బుట్టబొమ్మ' సాంగ్ చేయమన్నారు. అది చేస్తే బ్లాక్బాస్టర్ అయింది" అని వార్నర్ చెప్పుకొచ్చాడు.
-
David Warner Sir Suggests our Crush @iamRashmika in his recent interview 😍
— Rashmika FC (@RashmikaHCF) May 20, 2023 " class="align-text-top noRightClick twitterSection" data="
Says it , a dream cast to work with #AlluArjun and #Mahesh !#RashmikaMandanna • @alluarjun • @davidwarner31 #Rashmika pic.twitter.com/HXqHD5F9zy
">David Warner Sir Suggests our Crush @iamRashmika in his recent interview 😍
— Rashmika FC (@RashmikaHCF) May 20, 2023
Says it , a dream cast to work with #AlluArjun and #Mahesh !#RashmikaMandanna • @alluarjun • @davidwarner31 #Rashmika pic.twitter.com/HXqHD5F9zyDavid Warner Sir Suggests our Crush @iamRashmika in his recent interview 😍
— Rashmika FC (@RashmikaHCF) May 20, 2023
Says it , a dream cast to work with #AlluArjun and #Mahesh !#RashmikaMandanna • @alluarjun • @davidwarner31 #Rashmika pic.twitter.com/HXqHD5F9zy
కాగా, గతంలో కరోనా సమయంలో క్రికెట్ ఆడలేకపోయిన ఈ వార్నర్.. తన భార్యతో కలిసి చేసిన టిక్‌టాక్‌ వీడియోలు చేస్తూ బాగా ఫేమస్ అయిపోయాడు. ముఖ్యంగా ఇండియాలో తెలుగునాట బాగా పాపులర్ అయ్యాడు. అల్లు అర్జున్ 'అల వైకుంఠపురం'లో 'బుట్టబొమ్మ'.. మహేశ్బాబు 'సరిలేరు నీకెవ్వరూ'లో మైండ్‌ బ్లాక్ పాటలకు స్టెప్పులేసి తనలోని మరో కొత్త కోణాన్ని బయటకు తీశాడు. ఆ మధ్యలో బన్నీ 'పుష్ప'లోని 'యే బిడ్దా.. ఇది నా అడ్డా..' సాంగ్ను ఇమిటేట్ చేస్తూ వీడియో చేశాడు. అలా ఎన్నో తెలుగు పాటలకు చిందులేశాడు. ఇక ఐపీఎల్ విషయానికొస్తే.. వార్నర్ కెప్టెన్గా ప్రాతినిధ్యం వహిస్తున్న దిల్లీ క్యాపిటల్స్ టీమ్ పేలవ ప్రదర్శనతో ప్లే ఆఫ్స్ రేసు నుంచి వైదొలిగింది.
ఇదీ చూడండి: IPL 2023 CSK VS DC : అది ధోనీ క్రేజ్.. బౌలర్లు భయపడాల్సిందే!
