Ranbir Kapoor Rashid Khan : బాలీవుడ్ స్టార్ కపుల్ ఆలియా భట్- రణ్బీర్ కపూర్ ప్రస్తుతం వెకేషన్లో ఉన్నారు. బిజీ షెడ్యూల్స్ను పక్కనబెట్టిన ఈ జంట.. తమ గారాలపట్టి రాహాతో న్యూయార్క్ అందాలను ఆస్వాదిస్తున్నారు. ఈ క్రమంలో తాజాగా ఈ జంటను అఫ్గానిస్థాన్ స్టార్ ప్లేయర్ రషీద్ ఖాన్ కలిశాడు. వాళ్లిద్దరితో కలిసి దిగిన ఓ ఫొటోను రషీద్ తన ఇన్స్టాగ్రామ్ అకౌంట్లో షేర్ చేశాడు. "బాలీవుడ్ బిగ్గెస్ట్ స్టార్స్.. మిమ్మల్ని కలవడం చాలా ఆనందంగా ఉంది #Ranbir, aliaabhatt." అంటూ ఓ స్వీట్ క్యాఫ్షన్ను రాసుకొచ్చాడు. ప్రస్తుతం ఈ ఫొటో నెట్టింట తెగ ట్రెండ్ అవుతోంది.
అంతకుముందు ఆలియా తన ఫ్యాన్స్ కోసం ఓ వీడియోను షేర్ చేశారు. అందులో స్విమ్మింగ్ ఫూల్లో సేదతీరుతూ కనిపించిన ఆలియా ఇది నా వీక్ ఆఫ్ షెడ్యూల్ అంటూ చెప్పుకొచ్చారు. ఆ వీడియోపై పలువురు అభిమానులతో పాటు సినీ ప్రముఖులు కామెంట్లు పెట్టారు.
Alia Bhatt Movies : ఇక ఆలియా తాజాగా నేషనల్ అవార్డులకు ఎంపికైంది. తాను నటించిన గంగూభాయ్ కఠియావాది సినిమాకుగానూ తనకు ఈ అవార్డు దక్కింది. అయితే వెకేషన్కు ముందు ఆలియా.. రాకీ ఔర్ రాణికీ ప్రేమ్ కహానీ అనే సినిమాలో మెరిశారు. రణ్వీర్ సింగ్ లీడ్ రోల్లో తెరకెక్కిన ఈ చిత్రాన్ని ప్రముఖ దర్శకుడు కరణ్ జోహార్ తెరకెక్కించారు. భారీ బడ్డెట్తో రూపొందిన ఈ సినిమాలో జయా బచ్చన్, ధర్మేంద్ర, షబానా అజ్మీ లాంటి స్టార్స్ కీలక పాత్రలు పోషించారు. ఈ ఏడాది జులైలో విడుదలైన ఈ మూవీ బాక్సాఫీస్ వద్ద మంచి వసూళ్లు అందుకుంది.
Ranbir Kapoor Animal Movie : 'బ్రహ్మాస్త్ర' సినిమాతో గతేడాది ప్రేక్షకులను పలకరించిన రణ్బీర్ సింగ్ ప్రస్తుతం అనిమల్ అనే యాక్షన్ థ్రిల్లర్లో నటిస్తున్నారు. అర్జున్ రెడ్డి ఫేమ్ దర్శకుడు సందీప్ రెడ్డి వంగా తెరకెక్కిస్తున్న ఈ సినిమాలో రష్మిక మందన్న కీలక పాత్ర పోషిస్తున్నారు. భారీ అంచనాల నడుమ రూపొందుతున్న ఈ సినిమాలో రణ్బీర్ మునుపెన్నడు లేని లుక్లో కనిపించారు. దీంతో ఫ్యాన్స్కు ఈ సినిమాపై భారీ అంచనాలే ఏర్పడ్డాయి. తాజాగా విడుదలైన టీజర్ కూడా ఆద్యంతం ఆసక్తికరంగా ఉంది.
- " class="align-text-top noRightClick twitterSection" data="">
Animal Teaser : వైల్డ్గా రణ్బీర్ 'యానిమల్' టీజర్
National Film Awards 2021 Winners : జాతీయ ఉత్తమ నటుడిగా అల్లు అర్జున్.. నటిగా ఆలియా భట్
