Golden Globe Awards 2023 RRR: దిగ్గజ దర్శకుడు రాజమౌళి అద్భుత సృష్టి 'ఆర్ఆర్ఆర్'. ఈ సినిమా ప్రపంచవ్యాప్తంగా ప్రేక్షకులను ఆకట్టుకుంది. ఇందులో నటించిన నటులు రామ్చరణ్, ఎన్టీఆర్కు ప్రపంచ దేశాల్లో గుర్తింపు తెచ్చిపెట్టింది. ఎన్నో అంతర్జాతీయ అవార్డులు సొంతం చేసుకున్న ఈ మాస్టర్పీస్.. ప్రఖ్యాత గోల్డెన్ గ్లోబ్ అవార్డ్స్లో 'నాటు నాటు' సాంగ్తో ఉత్తమ పాట, ఆంగ్లేతర భాషా చిత్రం కేటగిరీల్లో నామినేట్ అయింది. దీంతో ఈసారి గోల్డెన్ గ్లోబ్ అవార్డ్స్ వేడుక మరింత ప్రత్యేకంగా మారనుంది. కాగా, అమెరికాలోని కాలిఫోర్నియాలో జరిగే ఈ అవార్డ్స్ వేడుకకు 'ఆర్ఆర్ఆర్' బృందం వెళ్లింది.
గోల్డెన్ గ్లోబ్ వేడుక ఎప్పుడు, ఎక్కడ చూడాలి?
ఈ వేడుకను హాలీవుడ్ ప్రెస్ అసోషియేషన్(హెచ్ఎఫ్పీఏ) నిర్వహిస్తుంది. ఈ ఫంక్షన్కు హాలీవుడ్ నటుడు జెరోద్ కార్మైఖేల్ వ్యాఖ్యాతగా వ్యవహరిస్తున్నారు. అనా డి అర్మాస్, జామీ లీ కస్టిస్, ట్రాకీ మోర్గాన్ ప్రెజెంటర్లుగా ఉన్నారు. ఈ గోల్డెన్ గ్లోబ్ 80వ అవార్డుల ఈవెంట్ జనవరి 11న(అమెరికాలో 10న) జరగనుంది. సాయంత్రం 5:30 గంటలకు రెట్ కార్పెట్ సందడి మొదలవుతుంది. 6:30 గంటల నుంచి అవార్డుల వేడుక ప్రారంభమవుతుంది. అమెరికాలో జనవరి 10న ఎన్బీసీ(NBC ), పికాక్(Peacock )లో లైవ్ టెలీకాస్ట్ అవుతుంది. ఇండియాలో లయన్స్గేట్ ప్లే(Lionsgate Play)లో ప్రసారం అవుతుంది.
2022లో ఈ వేడుక లైవ్ ప్రసారాలు జరగలేదు. అవార్డుల నామినీల్లో అవకతవకలు జరిగాయంటూ హెచ్ఎఫ్పీఏ నిరసన తెలిపింది. మీడియా సంస్థలు, నటులు, టెక్నీషియన్లు కూడా ఈ వేడుకను బహిష్కరించారు. దీంతో ఈ అవార్డు ఫంక్షన్ ప్రైవేటుగానే జరిగింది. విన్నర్లను ప్రెస్ రిలీజ్ చేసి ప్రకటించారు.
