ఇది గమనించారా?... కామన్​ పాయింట్​తో దసరా టు సంక్రాంతి సినిమాలు!

ఈ దసరా నుంచి వచ్చే సంక్రాంతి వరకు వచ్చే సినిమాల్లో ఒకే కామన్ పాయింట్ కనపడుతోంది. వీటిని మీరు గమనించారా?

Father Daughter Sentiment : తండ్రీ-కూతుళ్ల బంధం ఎంత గొప్పగా ఉంటుందో అందరికి తెలిసిందే. ఈ సెంటిమెంట్​తో వచ్చే సినిమాలకు కూడా ప్రేక్షకుల దగ్గర నుంచి అంతే ఆదరణ ఉంటుంది. టాలీవుడ్​లో సహా పలు భాషల్లో ఈ తండ్రీ కూతుళ్ల సెంటిమెంట్​తో ఎన్నో సినిమాలు వచ్చాయి. ఈ తరహాలో వచ్చే సినిమాలు ప్రేక్షకులకు ఎప్పటికీ కొత్తగానే ఉంటాయి. అయితే ప్రస్తుతం తెలుగులో మరోసారి తండ్రీ-కూతుళ్ల అనుబంధంతో సాగే పలు చిత్రాలు విడుదలకు సిద్ధం అయ్యాయి.

దసరా కానుకగా విడుదలవుతున్న 'భగవంత్ కేసరి', 'లియో' చిత్రాలు ఈ కేటగిరిలోనే రానున్నాయి. యాక్షన్ సినిమాలే అయినా.. కథలో మాత్రం తండ్రి-కూతుర్ల సెంటిమెంటే కీలకం అని టాక్ నడుస్తోంది. దళపతి విజయ్ నటించిన 'లియో'లో.. 'విక్రమ్​' మించి యాక్షన్​ ఉంటుందని లోకేశ్ కనగరాజ్​ చెబుతున్నారు. కానీ, స్టోరీ మొత్తం తండ్రి-కూతుర్ల మధ్య ఉన్న సంబంధం మీదే ఉంటుందని సమాచారం.
మరోవైపు అనిల్ రావిపూడి తెరకెక్కించిన 'భగవంత్ కేసరి'లో శ్రీలీల.. బాలయ్యకు కూతురుగా నటించింది. ఇందులో విజ్జి పాప అనే క్యారెక్టర్​లో కనిపించే శ్రీలీల.. బాలయ్యను చిచ్చా అంటూ ముద్దుగా పిలుస్తూ సినిమాలో సందడి చేయనుంది. తన బిడ్డకు కష్టం వస్తే.. ఎలా పోరాడాలి అనే నేపథ్యంలో ఈ సినిమా నడుస్తుందని తెలిసింది.

• " class="align-text-top noRightClick twitterSection" data="">

ఇక డిసెంబర్​లో వస్తున్న 'హాయ్ నాన్న' సినిమా కూడా తండ్రి-కూతుర్ల సెంటిమెంట్​తో వస్తుందని టైటిల్ చూడగానే తెలిసిపోతుంది. తాజాగా విడుదలైన టీజర్​లో కూడా ప్రధానంగా ఆ ఎమోషనే చూపించారు. ఆ తర్వాత సంక్రాతికి సిద్ధం అవుతున్నవెంకటేశ్ మూవీ 'సైంధవ్​'లో కూడా ఇలాంటి ఎమోషనే ఉంటుందని సమాచారం. ఆ ఎలిమెంట్​ ఈ సినిమాకు కీలకం అని టాక్​ వినిపిస్తోంది. తండ్రి-కూతుర్ల అనుబంధంతో వస్తున్న ఈ సినిమాలు ఏ విధంగా అలరిస్తాయో వేచి చూడాలి మరీ. అయితే కొన్ని సినిమాల్లో తండ్రీ-కూతుళ్ల అనుబంధం అనేది కథలో పూర్తి స్థాయిలో కనిపించవచ్చు. కాగా, తెలుగులో వచ్చిన మెగాస్టార్ చిరంజీవి నటించిన 'డాడీ', 'నేను శైలజ', 'పరుగు' లాంటి సినిమాలు.. తండ్రి-కూతుర్ల మధ్య ఉండే గొప్ప బంధం చుట్టు తిరిగే కథలే.

• " class="align-text-top noRightClick twitterSection" data="">