Mahesh Rajamouli movie: రాజమౌళి- మహేశ్ బాబు కాంబోలో తెరకెక్కనున్న సినిమా.. పూర్తి స్క్రిప్టు సిద్ధమవకముందే ఎన్నో అంచనాలు పెంచేసింది. ఈ కాంబినేషన్‌పై ప్రేక్షకుల్లోనే కాదు చిత్ర పరిశ్రమలోనూ ఆసక్తి నెలకొంది. అడవి నేపథ్యంలో సాగే యాక్షన్‌ సినిమా అనే ఊహాగానాలు ఆ అంచనాలను రెట్టింపు చేశాయి. రోజు ఈ చిత్రం గురించి రకరకాలు ఇంట్రెస్టింగ్ వార్తలు వస్తున్నాయి.
తాజాగా ఈ క్రేజీ ప్రాజెక్టులో మాజీ విశ్వసుందరి ఐశ్వర్యరాయ్ను భాగం చేయాలని చిత్రబృందం భావిస్తోందట. ప్రస్తుతం ఈ విషయమై దర్శకుడు జక్కన ఆలోచిస్తున్నారని తెలిసింది. త్వరలోనే సంప్రదింపులు జరిపి ఈ విషయమై స్పష్టతకు రావాలని అనుకుంటున్నారట! అంతకుముందు ఇటీవలే మహేశ్ సరసన శ్రద్ధాకపూర్ను హీరోయిన్గా తీసుకోవాలని అనుకుంటున్నట్లు వార్తలు వచ్చాయి. ఒకవేళ ఇదే కనుక నిజమైతే మహేశ్ సినిమాలో ఇద్దరు బాలీవుడ్ భామల సందడి సినిమాకే హైలెట్గా నిలస్తుంది. కాగా, వచ్చే ఏడాది ఈ సినిమా పట్టాలెక్కే అవకాశాలున్నాయని సమాచారం. విజువల్‌ ఎఫెక్ట్స్‌కు అధిక ప్రాధాన్యత ఉండే ఈ పాన్‌ ఇండియా సినిమాకు రాజమౌళి తండ్రి, ప్రముఖ రచయిత విజయేంద్ర ప్రసాద్‌ కథ అందిస్తున్నారు. మరో విశేషమేమిటంటే.. సూపర్స్టార్ రజనీకాంత్ తన తర్వాత సినిమాను నెల్సన్ దిలీప్కుమార్ దర్శకత్వంలో నటిస్తున్నారు. సన్పిక్చర్స్ నిర్మిస్తోంది. ఇందులోనూ ఐశ్వర్య రాయ్ నటించనున్నట్లు జోరుగా ప్రచారం సాగుతోంది.
ఇదీ చూడండి: టాప్లో కోహ్లీ, ప్రియాంక.. ఆ తర్వాతి స్థానాల్లో ఎవరున్నారంటే?
