రేషన్ బియ్యాన్ని అక్రమంగా ఎన్ని మార్గాల్లో తరలించినా పట్టుకుంటామని నారాయణ పేట జిల్లా ఎన్ఫోర్స్మెంట్ డిప్యూటీ తహసీల్దార్ రఘునందన్ అన్నారు. నిందితులపై కఠిన చర్యలు తీసుకుంటామని హెచ్చరించారు. కర్ణాటకకు అక్రమంగా తరలిస్తున్న పీడీఎస్ బియ్యాన్ని పోలీసులు ఆదివారం పట్టుకున్నారు.
మక్తల్ నుంచి ఓ లారీలో రేషన్ బియ్యం అక్రమంగా తరలిస్తున్నారనే సమాచారంతో ఎన్ఫోర్స్మెంట్ అధికారులు, మక్తల్ పోలీసులు సంయుక్తంగా తనిఖీలు చేపట్టారు. దాదాపు 300 బియ్యం బస్తాలతో ఉన్న లారీని సీజ్ చేశారు. పట్టుబడిన ఈ రేషన్ బియ్యం విలువ దాదాపు రూ.ఆరు లక్షలు ఉంటుందని అంచనా వేశారు.
ఇదీ చదవండి: నీళ్లు తాగితే.. ఈ సమస్యలుండవట!
