young Woman rape in Banjara Hills : హైదరాబాద్ జూబ్లీహిల్స్‌లో సామూహిక అత్యాచార ఘటన మరువక ముందే బంజారాహిల్స్లో మరో అత్యాచార ఘటన చోటుచేసుకుంది. ఓ యువతిని గదిలో బంధించి కాపలాదారుడు అత్యాచారానికి పాల్పడ్డాడు. ఈ నెల 4న జరిగిన ఈ దారుణం ఆలస్యంగా వెలుగులోకి వచ్చింది. బంజారాహిల్స్‌లోని ఓ బస్తీకి చెందిన యువతికి.. అదే ప్రాంతంలో సెక్యూరిటీ గార్డుగా పని చేస్తున్న చిన్మయి సైక్యా(22)తో పరిచయం ఏర్పడింది. యువతిపై కన్నేసిన అతడు.. ఈ నెల 4న ఆమె ఇంట్లో ఎవరూ లేని సమయంలో గదిలో బంధించి అత్యాచారానికి పాల్పడ్డాడు. బయటకు చెబితే చంపుతానంటూ బెదిరించాడు.
ఈ దారుణాన్ని జీర్ణించుకోలేక.. మరుసటి రోజు ‘తనకు చనిపోవాలని ఉందంటూ’ స్నేహితురాలికి చరవాణిలో సంక్షిప్త సందేశం పంపింది. ఆమె బాధితురాలి సోదరికి చెప్పటంతో ఈ దారుణం బయటపడింది. బాధితురాలి ఫిర్యాదు మేరకు కేసు నమోదు చేసి దర్యాప్తు చేస్తున్నట్టు బంజారాహిల్స్ సీఐ ఎం.నరేందర్‌ తెలిపారు. నిందితుడిని పోలీసులు అదుపులోకి తీసుకున్నట్టు సమాచారం.
