Suicide Attempt: ఆంధ్రప్రదేశ్ నెల్లూరు జిల్లా బిట్రగుంట రైల్వేస్టేషన్లో ఓ వ్యక్తి హల్చల్ చేశాడు. విద్యుత్ తీగలను పట్టుకుని ఆత్మహత్యకు యత్నించాడు. గాయాలైన అతడిని ఆస్పత్రికి తరలించారు. కండీర్ (34) కేరళ నుంచి ఝార్ఖండ్కు వెళ్తున్నాడు. కానీ తను వెళ్లాల్సిన గమ్యం రాకముందే బిట్రగుంట రైల్వే స్టేషన్లో దిగాడు. ఆత్మహత్య చేసుకుంటానని కొద్దిసేపు హంగామా చేశాడు. ఎంతమంది ఆపినా వినకుండా విద్యుత్ స్తంభం ఎక్కి తీగలను పట్టుకున్నాడు.
వెంటనే కండీర్ విద్యుద్ఘాతానికి గురై కింద పడిపోయాడు. సమాచారం అందుకున్న రైల్వే పోలీసులు ఘటనాస్థలానికి చేరుకుని 108 వాహనంలో కావలి ఆస్పత్రికి తరలించారు. కండీర్ది ఝార్ఖండ్ రాష్ట్రంగా రైల్వే పోలీసులు గుర్తించారు. భార్యతో గొడవపడటంతో ఆమె అతడిని విడిచి వెళ్లిపోయినట్లు తెలుస్తోంది. మనస్థాపంతోనే అతను ఆత్మహత్యకు యత్నించినట్లు పోలీసులు ప్రాథమికంగా నిర్ధారించారు.
ఇవీ చదవండి: 'కరోనా సమయంలో నా ఆత్మవిశ్వాసం దెబ్బతింది.. అందుకే..'
మంటల్లో నుంచి బయటపడలేక పోతున్నాం.. చివరిసారిగా కుటుంబంతో సికింద్రాబాద్ ఘటన మృతులు
