CBN Letter to AP DGP: ఏపీలోని పులివెందులలో తమ కార్యకర్త పరమేశ్వర్ రెడ్డి హత్య కేసులో నిందితులు అందరినీ అరెస్టు చేయాలని ఆంధ్రప్రదేశ్ డీజీపీని తెలుగుదేశం పార్టీ అధినేత చంద్రబాబు నాయుడు డిమాండ్ చేశారు. ఈ మేరకు ఏపీ డీజీపీకి లేఖ రాశారు. 2022 సెప్టెంబర్ 19న సింహాద్రిపురం మండలం, దిద్దెకుంట గ్రామానికి చెందిన పెద్దసోమప్ప పరమేశ్వర రెడ్డిని.. దారుణంగా హత్య చేశారని చంద్రబాబు పేర్కొన్నారు.
పల్లేటి హరినాథ రెడ్డి సహా 8 మందిపై పరమేశ్వరరెడ్డి కుమారుడు అదే రోజు ఫిర్యాదు చేశారని చెప్పారు. అయితే 8 మంది నిందితుల్లో ముగ్గురిని మాత్రమే పోలీసులు అరెస్టు చేశారని చంద్రబాబు పేర్కొన్నారు. అధికార పార్టీకి చెందిన ఐదుగురి పేర్లను ఎఫ్ఐఆర్ నుంచి తొలగించే ప్రయత్నం జరుగుతోందని ఆరోపించారు. ఈ కేసులో న్యాయం చేయాల్సిన బాధ్యత డీజీపీపై ఉందని చంద్రబాబు లేఖలో సూచించారు.
ఇవీ చదవండి:
