టెలికాం దిగ్గజం రిలయన్స్ జియో మరిన్ని అద్భుతమైన సేవలను అందుబాటులోకి తెచ్చింది. వాట్సాప్ ఛాట్ బాట్ ద్వారా.. వ్యాక్సిన్ సమాచారం తెలుసుకోవడం, మొబైల్ రీఛార్జ్ (ఇతర నంబర్లకు కూడా), పేమెంట్స్ వంటివి ఇందులో ఉన్నాయి.
ఈ సేవలు పొందటం ఎలా?
7000770007 నంబర్కు వాట్సాప్లో 'Hi' అని మెసేజ్ పంపితే ఓ మెనూ వస్తుంది. అందులో యూజర్కు కావాల్సిన ఆప్షన్ను ఎంచుకుని ఆ సేవలు పొందొచ్చు.
ప్రస్తుతం వ్యాక్సినేషన్ ప్రక్రియ కొనసాగుతున్న నేపథ్యంలో యూజర్లు టీకా సమాచారాన్ని సులభంగా వాట్సాప్ ద్వారానే తెలుసుకోవచ్చని పేర్కొంది జియో. మొబైల్ పోర్టబిలిటీ, ఇంటర్నేషనల్‌ రోమింగ్‌, జియోమార్ట్‌ వంటి సేవలను కూడా పొందొచ్చని వెల్లడించింది. ఇతర మొబైల్ నెట్వర్క్ యూజర్లూ ఈ సదుపాయం వినయోగించుకోవచ్చని వివరించింది జియో. అయితే ఇందుకు వెరిఫికేషన్ అవసరమవుతుందని స్పష్టం చేసింది.
ఇదీ చదవండి:కుబేరులే కానీ.. ఆదాయపు పన్ను చెల్లించరట!
