వినియోగదారులకు రిలయన్స్ జియో మరో ఆకట్టుకునే ప్లాన్ను ప్రవేశపెట్టింది. జియో ఫ్రీడమ్ ప్లాన్స్ పేరుతో ఉన్న ఈ ఆఫర్ ద్వారా ప్రీపెయిడ్ వినియోగదారుకు డైలీ లిమిట్ లేకుండానే డేటాను ఉపయోగించుకోవచ్చు. ఈ మేరకు శుక్రవారం ప్రకటన విడుదల చేసింది. ఈ ప్లాన్స్ రూ.127 (15 రోజుల వ్యాలిడిటీ)తో ప్రారంభం అవుతాయి. రూ.127 ప్లాన్లో ఎలాంటి డేటా లిమిట్ లేకుండా 12జీబీ డేటాను వినియోగించుకోవచ్చు. ఈ తరహాలోనే 30, 60, 90 సహా 365 రోజుల వ్యాలిడిటీతో ఉన్న ప్లాన్లను ప్రవేశపెట్టింది.
| ప్లాన్ | డేటా | వ్యాలిడిటీ (రోజులు) |
| రూ.127 | 12 జీబీ | 15 |
| రూ.247 | 25 జీబీ | 30 |
| రూ.447 | 50 జీబీ | 60 |
| రూ.597 | 75 జీబీ | 90 |
| రూ.2397 | 365 జీబీ | 365 |
ఈ ఐదు ప్లాన్లలోనూ పరిమిత డేటాను ఎలాంటి డైలీ లిమిట్ లేకుండానే ఉపయోగించుకోవచ్చని జియో స్పష్టం చేసింది. ఈ కొత్త ప్లాన్ల ద్వారా వినియోగదారుడు నిరంతరాయంగా డేటాను వాడుకోవచ్చని పేర్కొంది. ఈ ప్లాన్లతో జియో సంబంధిత యాప్లను కూడా ఉపయోగించవచ్చని తెలిపింది.
ఇదీ చదవండి : ఫేస్బుక్ నుంచి స్మార్ట్‌ వాచ్‌.. ఎప్పుడంటే?
