భారతీయ ఇతిహాసాల్లో రామాయణానికి ప్రత్యేక స్థానం ఉంది. ఈ మహాకావ్యాన్ని ఎందరో మహానుభావులు ఎన్నో రకాలుగా వర్ణించారు. తాజాగా.. దీపావళిని పురస్కరించుకుని.. రామాయణ ఘట్టాలను తన సైకత శిల్పాలతో వివరించే ప్రయత్నం చేశాడు ఉత్తర్ప్రదేశ్ అయోధ్యకు చెందిన రూపేశ్ సింగ్ అనే కళాకారుడు. ఒకవైపు రామమందిర నిర్మాణం జరుగుతుండటం.. మరోవైపు దీపావళికి ముందు నిర్వహించే దీపోత్సవానికి అయోధ్య ముస్తాబవుతున్న తరుణంలో ఈ సైకత శిల్పాలు ప్రత్యేక ఆకర్షణగా నిలిచాయి.
రామాయణంలోని ప్రసిద్ధ ఘట్టమైన 'భరత్ మిలాప్'తోపాటు.. రాముడు, లక్ష్మణుడు, సీతకు సంబంధించిన సైకత శిల్పాలను అద్భుతంగా తీర్చిదిద్దాడు రూపేశ్ సింగ్.
"పెయింటింగ్ నేర్చుకోవడానికి అయ్యే ఖర్చును భరించలేక సైకత కళను ఎంచుకున్నా. సులువుగా లభించే ఇసుక ద్వారా కళాఖండాలను సృష్టించగలుగుతున్నా. ఇది ప్రత్యేకమైన కళ. ప్రపంచంలోనే అతిపెద్ద సైకత శిల్పాన్ని రూపొందించాలనేది నా కల. ప్రజలు, మీడియా నుంచి ప్రశంసలు అందుకోవడం చాలా ఆనందంగా ఉంది."
-రూపేశ్ సింగ్, సైకత కళాకారుడు
ప్రతి ఏడాది దీపావళికి ముందు అయోధ్యలో యూపీ ప్రభుత్వం దీపోత్సవాన్ని ఘనంగా నిర్వహిస్తుంది. 'దీపోత్సవ్'ను పురస్కరించుకుని 'రామ్ కీ పైడి'లో ఉన్న 28 ఘాట్ల వద్ద సుమారు తొమ్మిది లక్షల దీపాలను వెలిగించనున్నారు.
ఇవీ చదవండి:
