పట్టుదల ఉంటే.. ఓడిపోయిన చోటే విజేతగా నిలిచి చూపించొచ్చు. అవమానాలు ఎదుర్కొన్న చోటే అందరితో ప్రశంసలు అందుకోవచ్చు. ఈ విషయాన్ని నిజం చేసి నిరూపించింది కర్ణాటకకు చెందిన ఓ బాలిక. ఆర్థిక సమస్యల కారణంగా పదో తరగతి పరీక్షలు రాయలేక ఆత్మహత్యకు యత్నించిన ఆ బాలిక.. ఇప్పుడు సప్లిమెంటరీ ఫలితాల్లో రాష్ట్రంలోనే టాపర్గా నిలిచింది.
సెప్టెంబర్ 27, 29 తేదీల్లో కర్ణాటక ఎస్ఎస్ఎల్సీ సప్లిమెంటరీ పరీక్షలను నిర్వహించారు. ఈ పరీక్ష ఫలితాలను(sslc supplementary result 2021) ఇటీవలే ప్రకటించారు. అందులో.. తుముకూరు జిల్లా(Karnataka Tumkur News) కూరటగెరె ప్రాంతానికి చెందిన గిరీశ్మ.. రాష్ట్రంలోనే టాపర్గా నిలిచింది. 625 మార్కులకుగాను ఆమె 599 మార్కులను సాధించింది.
ఎందుకు ఆత్మహత్యాయత్నం?
మూడబిదిరిలోని అల్వాస్ పాఠశాలలో చదివిన గిరీశ్మ 9వ తరగతిలో 97శాతం మార్కులను సాధించింది. అయితే.. కరోనాతో విధించిన లాక్డౌన్ కారణంగా ఆమె తిరిగి ఇంటికి చేరుకుంది. పాఠశాల ఫీజులు చెల్లించకపోవడం వల్ల ఆమె పదో తరగతిలో చేరలేకపోయింది.
ఎస్ఎస్ఎల్సీ పరీక్ష రిజిస్ట్రేషన్ కోసం గిరీశ్మ తల్లిదండ్రులు పాఠశాలలో వాకబు చేయగా వారికి.. తమ కూతురు పదో తరగతి పరీక్షలు రాసేందుకు అర్హురాలు కాదని తెలిసింది. దీనిపై గిరీశ్మ విద్యార్థుల హక్కుల కమిషన్కు, విద్యా శాఖ మంత్రికి ఈ మెయిల్ ద్వారా తన దీనస్థితిని తెలియజేసింది. అయినప్పటికీ వారి నుంచి ఎలాంటి స్పందన రాలేదు. దాంతో విసుగు చెందిన గిరీశ్మ.. జులై 17న ఆత్మహత్యకు యత్నించింది.
అయితే.. ఆ తర్వాత కర్ణాటక విద్యాశాఖ మంత్రి సురేశ్ కుమార్.. గిరీశ్మ ఇంటిని సందర్శించారు. ఆమెకు ధైర్యం చెప్పారు. దాంతో ఎస్ఎస్ఎల్సీ మెయిన్ పరీక్షలు రాయలేకపోయినా.. సప్లిమెంటరీ పరీక్షలు రాసే అవకాశం వచ్చింది. ఈ పరీక్షల్లో పట్టుదలతో చదివి ఏకంగా స్టేట్ టాపర్గా నిలిచింది గిరీశ్మ. ఎంతో మందికి ఆదర్శంగా నిలించింది.
ఇదీ చూడండి: Lota Race: చెంబులు పట్టుకుని మహిళల పరుగో పరుగు
ఇదీ చూడండి: ఒకేసారి 550 కేక్స్ కట్ చేసి పుట్టిన రోజు వేడుక
