బంగాల్లో జరిగిన ఘోర రోడ్డు ప్రమాదంలో 9 మంది ప్రాణాలు కోల్పోయారు. బీర్భమ్ జిల్లా మల్లర్పుర్లో మంగళవారం జరిగిందీ ఘటన.
స్థానికుల కథనం ప్రకారం.. రామ్పుర్హట్ నుంచి మల్లర్పుర్ వెళ్తున్న ఆటో.. 60వ నంబరు జాతీయ రహదారిపై ఎదురుగా వస్తున్న ఆర్టీసీ బస్సును ఢీకొట్టింది. ఈ ప్రమాదంలో 9 మంది అక్కడికక్కడే మరణించారు. వీరిలో 8 మంది మహిళా కూలీలు కాగా మరొకరు ఆటో డ్రైవర్. కూలీలంతా పని పూర్తి చేసుకుని ఇంటికి వెళ్తుండగా ఈ దుర్ఘటన జరిగింది.
ప్రధాని మోదీ సంతాపం..
బంగాల్లో జరిగిన రోడ్డు ప్రమాద ఘటన పట్ల ప్రధాని మోదీ దిగ్భ్రాంతి వ్యక్తం చేశారు. మరణించిన వారి కుటుంబాలకు రూ.2 లక్షల ఎక్స్గేషియా ప్రకటించారు. గాయపడిన వారికి రూ.50,000 ఇస్తామని మోదీ తెలిపారు.
