బిహార్‌లో కాంగ్రెస్తో పొత్తుకు సంబంధించి రాష్ట్రీయ జనతా దళ్(ఆర్జేడీ) అధినేత లాలూ ప్రసాద్ యాదవ్(Lalu Prasad Yadav News) కీలక వ్యాఖ్యలు చేశారు. కాంగ్రెస్తో కూటమి వల్ల తమకు ఉపయోగం ఏమిటని ప్రశ్నించారు. బిహార్ ఉపఎన్నికల్లో(Bihar Bypoll) ఆ పార్టీకీ సీటు కేటాయిస్తే.. డిపాజిట్ కూడా దక్కదని లాలూ(Lalu Prasad Yadav News) వ్యాఖ్యానించారు.
"కాంగ్రెస్ కూటమితో ఉపయోగమేమిటి? ఓడిపోయేందుకు కాంగ్రెస్కు సీటు కేటాయించాలా? కాంగ్రెస్కు సీటు ఇస్తే డిపాజిట్ కూడా దక్కదు."
-లాలూ ప్రసాద్ యాదవ్, ఆర్జేడీ అధినేత
గతంలో జరిగిన బిహార్ అసెంబ్లీ ఎన్నికల్లో ఆర్జేడీ, కాంగ్రెస్ సహా పలు చిన్న పార్టీలు కలిసి మహాకూటమిగా ఏర్పడి పోటీ చేశాయి. ఆ ఎన్నికల్లో మెజార్టీ స్థానాల్లో ఆర్జేడీ విజయం సాధించగా కాంగ్రెస్ ఘోర పరాజయాన్ని చవిచూసింది. ఈ పరిణామంతో బిహార్‌లో అధికారంలోకి రావాలని భావించిన ఆర్జేడీ ఆశలు ఆవిరయ్యాయి. ఈ నేపథ్యంలో.. రెండు అసెంబ్లీ స్థానాలకు జరగనున్న ఉప ఎన్నికల్లో ఆర్జేడీ.. కాంగ్రెస్తో పొత్తు వదులుకుంది.
ఇదీ చూడండి: 'యువత భాగస్వామ్యంతోనే కశ్మీర్లో ఉగ్రవాదానికి అడ్డుకట్ట'
ఇదీ చూడండి: ఈనెల 29న ఇటలీకి మోదీ- జీ20 సదస్సుకు హాజరు
