missing boy from Arunachal: అరుణాచల్ప్రదేశ్ షియాంగ్ జిల్లాలోని సియుంగ్లా ప్రాంతంలో తప్పిపోయిన 17ఏళ్ల బాలుడి ఆచూకీ కనుగొన్నట్లు చైనా సైన్యం భారత్కు తెలిపింది. ఈ విషయాన్ని రక్షణ శాఖ తాజాగా వెల్లడించింది. అధికారిక ప్రక్రియ పూర్తి అయిన తరువాత బాలుడ్ని మన సైన్యానికి అప్పజెప్పనున్నట్లు రక్షణ శాఖ పీఆర్ఓ హర్షవర్ధన్ పాండే తెలిపారు.
తొలుత ఆ యువకుడ్ని చైనా ఆర్మీ కిడ్నాప్ చేసినట్లుగా వార్తలు వచ్చాయి. అనంతరం వారి సాయం కోరినట్లు భారత సైన్యం పేర్కొంది. ప్రోటోకాల్ ప్రకారం అతడిని గుర్తించి.. భారత్కు అప్పగించాల్సిందిగా కోరినట్లు తెలిపింది.
ఈ నెల 19 వ తేదీన అరుణాచల్ ప్రదేశ్కు చెందిన యువకుడ్ని చైనా ఆర్మీ కిడ్నాప్ చేసినట్లు అరుణాచల్ తూర్పు జిల్లా ఎంపీ తాపిర్ గావ్ ఆరోపించారు. అయితే చైనా ఆర్మీ చెర నుంచి తప్పించుకున్న మరో యువకుడు.. స్థానిక అధికారులకు ఈ సమాచారాన్ని చేరవేసినట్లు ట్వీట్ చేశారు.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చూడండి: నేతాజీకి కోవింద్, మోదీ నివాళులు.. సెలవు ప్రకటించాలన్న దీదీ
