India Covid cases: దేశంలో కరోనా కేసుల సంఖ్య స్థిరంగా కొనసాగుతోంది. కొత్తగా 5,326 కేసులు నమోదయ్యాయి. మరో 453 మంది ప్రాణాలు కోల్పోయారు. యాక్టివ్ కేసుల సంఖ్య 79,097కు తగ్గింది.
మొత్తం కేసులు: 3,47,52,164
మొత్తం మరణాలు: 4,78,007
యాక్టివ్ కేసులు: 79,097
కోలుకున్నవారు: 3,41,95,060
Vaccination in India:
దేశంలో టీకా పంపిణీ శరవేగంగానే కొనసాగుతోంది. సోమవారం 64,56,911 మందికి టీకాలు అందించారు. ఇప్పటివరకు పంపిణీ చేసిన డోసుల సంఖ్య 1,38,34,78,181కు చేరింది.
Covid World cases:
ఒమిక్రాన్ వ్యాప్తితో ప్రపంచ దేశాలు అల్లాడుతున్నాయి. కొత్త కేసుల్లో ఒమిక్రాన్ వాటానే అధికంగా ఉంటోంది. ప్రపంచ వ్యాప్తంగా కొత్తగా 5,45,626 కేసులు నమోదయ్యాయి. 4,939 మంది మరణించారు.
- అమెరికాలో మరో లక్షా 43 వేల కరోనా కేసులు వెలుగులోకి వచ్చాయి. 623 మంది ప్రాణాలు కోల్పోయారు. మొత్తం మరణాల సంఖ్య 8,28,836కు చేరుకుంది.
- యూకేలో మరో 91,743 కరోనా కేసులు నమోదయ్యాయి. 44 మంది చనిపోయారు. కొత్త కేసుల్లో ఒమిక్రాన్ వాటా క్రమంగా పెరుగుతోందని ఆ దేశ వైద్య నిపుణులు చెబుతున్నారు.
- రష్యాలో కరోనా మరణాలు రికార్డు స్థాయిలో నమోదవుతున్నాయి. మరో 1,019 మంది వైరస్కు బలయ్యారు. కొత్తగా 27 వేల కేసులు వెలుగులోకి వచ్చాయి. మొత్తం మరణాల సంఖ్య మూడు లక్షలకు చేరువవుతోంది.
ఇదీ చదవండి: కరోనా కొత్త కేసుల్లో 73శాతం ఒమిక్రాన్ బాధితులే
