India Covid Cases: దేశంలో కొవిడ్ కేసులు మళ్లీ తగ్గాయి. సోమవారం ఉదయం నుంచి మంగళవారం ఉదయం వరకు 3,714 మంది వైరస్ బారినపడ్డారు. ఒక్కరోజే ఏడుగురు ప్రాణాలు కోల్పోయారు. ఇందులో ఆరుగురు కేరళకు చెందినవారే. సోమవారం 2513 మంది ఆస్పత్రుల నుంచి ఇళ్లకు వెళ్లారు. దీంతో మొత్తం కోలుకున్నవారి సంఖ్య 98.72 శాతానికి చేరింది. మృతుల సంఖ్య 1.22 శాతంగా ఉంది. మొత్తం కేసుల్లో యాక్టివ్ కేసుల సంఖ్య 0.06 శాతం వద్ద ఉంది. డైలీ పాజిటివిటీ రేటు 1.21 శాతంగా, వీక్లీ పాజిటివిటీ రేటు 0.97% గా వద్ద ఉంది.
- మొత్తం కరోనా కేసులు: 4,31,85,049
- మొత్తం మరణాలు: 5,24,708
- యాక్టివ్ కేసులు: 26,976
- కోలుకున్నవారి సంఖ్య: 4,26,33,365
Vaccination India: భారత్లో సోమవారం 13,96,169 మందికి టీకాలు అందించగా.. ఇప్పటివరకు పంపిణీ చేసిన వ్యాక్సిన్ డోసుల సంఖ్య 1,94,27,16,543కు చేరింది. మరో 3,07,716 మందికి కరోనా టెస్టులు నిర్వహించారు.
World Covid Cases: ప్రపంచదేశాల్లో కరోనా కేసులు క్రమక్రమంగా పెరుగుతున్నాయి. ఒక్కరోజే 3 లక్షల 27 వేలకుపైగా కేసులు వెలుగుచూశాయి. మరో 754 మరణాలు నమోదయ్యాయి. మొత్తం కేసుల సంఖ్య 535,815,964కు చేరింది. మరణాల సంఖ్య 6,321,428కు చేరింది. ఒక్కరోజే 473,310 మంది కోలుకున్నారు. దీంతో మొత్తం కోలుకున్నవారి సంఖ్య 506,777,660గా ఉంది.
- ఉత్తర కొరియాలో మరో 66 వేలకుపైగా కేసులు నమోదయ్యాయి. దేశంలో ఇప్పటివరకు 71 మంది చనిపోయారు.
- అమెరికాలో 54 వేలకుపైగా కొత్త కేసులు, 113 మరణాలు వెలుగుచూశాయి.
- తైవాన్లో సోమవారం 53 వేల కొవిడ్ కేసులు, 150కిపైగా మరణాలు నమోదయ్యాయి.
- బ్రెజిల్లో 41 వేలు, జపాన్, ఆస్ట్రేలియాల్లో సగటున 16వేలకుపైగా కొవిడ్ కేసులు నమోదయ్యాయి.
ఇవీ చదవండి: కొత్త వేరియంట్ వల్లే కరోనా కేసులు మళ్లీ పెరుగుతున్నాయా?
