Harish Rao on Chandrababu Arrest : చంద్రబాబు నాయుడు అరెస్టుపై మంత్రి హరీశ్రావు (Harish Rao) స్పందించారు. ఈ వయసులో చంద్రబాబును అరెస్టు ( Chandrababu Arrest) చేయడం దురదృష్టకరమని తెలిపారు. ఈ వయసులో ఆయనను ఇలా చేయడం మంచిది కాదన్నారు. కేసీఆర్ 24 గంటలు కరెంట్ ఇవ్వడం లేదని ప్రతి పక్షాలు అనడం సిగ్గుచేటని పేర్కొన్నారు. 60 ఏళ్ల కాంగ్రెస్ పాలనలో ఏనాడు రైతుల గురించి ఆలోచించలేదని ఆరోపించారు. సిద్దిపేట జిల్లాలో ఆయన ఈ వ్యాఖ్యలు చేశారు.
Harishrao Distributes Gruhalakshmi Documents : తిట్ల ప్రభుత్వం కావాలా?.. కిట్ల ప్రభుత్వం కావాలా?
Harish Rao Siddipet District Tour : నంగునూరు మండలం నర్మెట్టలో పర్యటించిన హరీశ్రావు పామాయిల్ పరిశ్రమ నిర్మాణానికి భూమిపూజ చేశారు. ఈ ప్రాంత రైతులకు ఆర్థికంగా ఎదిగేందుకు ఈ పరిశ్రమ ఎంతో దోహదం చేస్తుందని హరీశ్రావు తెలిపారు. ఆయిల్ పామ్ అంతర్ సాగులో తగిన జాగ్రత్తలు తీసుకోవాలని.. ఇందుకు సంబంధించి తగిన మెళకువలు నేర్చుకోవాలని సూచించారు. ఇతర దేశాల నుంచి.. భారతదేశం 60 శాతం పామాయిల్ను దిగుమతి చేసుకుంటున్నామని ఆయన వివరించారు.
పాలకులకు ముందు చూపు లేక పామాయిల్ను దిగుమతి చేసుకొనే దౌర్భాగ్య స్థితిలో ఉన్నామని హరీశ్రావు అన్నారు. 70 లక్షల ఎకరాల్లో ఆయిల్ పామ్ సాగు చేస్తే తప్ప దేశానికి సరిపోదని చెప్పారు. రాష్ట్రంలో 20 లక్షల ఎకరాల్లో ఆయిల్ పామ్ సాగు చేయాలని లక్ష్యం తో ముందుకు వెళ్తున్నామని వివరించారు. జై జవాన్ జై కిసాన్ అనే నినాదాన్ని నిజం చేసింది కేసీఆర్ అని హరీశ్రావు స్పష్టం చేశారు.
Harish Rao Fires on Congress : 'బీఆర్ఎస్ చేసిన అభివృద్ధికి.. కాంగ్రెస్ చెబుతున్న అబద్దాలకు పోటీ'
ఈ క్రమంలోనే రేవంత్రెడ్డి మూడు గంటల కరెంట్ చాలని అనడం ఆయన అవివేకానికి నిదర్శనమని హరీశ్రావు పేర్కొన్నారు. ఇలాంటి వాళ్లకు ప్రభుత్వాన్ని ఇస్తే ఏం పాలిస్తారని విమర్శించారు. మూడు పంటలు కావాలా.. మూడు గంటల కరెంట్ కావాలా రైతులు ఆలోచించాలని హరీశ్రావు పేర్కొన్నారు. ఈ కార్యక్రమంలో ఆయిల్ఫెడ్ చైర్మన్ కంచర్ల రామకృష్ణారెడ్డి, ఎమ్మెల్యే సతీశ్ కుమార్, ఎమ్మెల్సీ యాదవరెడ్డి, జిల్లా కలెక్టర్ ప్రశాంత్ జీవన్ పాటిల్, జడ్పీ ఛైర్మన్ రోజా శర్మ, తదితరులు పాల్గొన్నారు.
"ఈ వయసులో చంద్రబాబును అరెస్టు చేయడం దురదృష్టకరం. ఈ వయసులో చంద్రబాబును అరెస్టు చేయడం మంచిదికాదు. కేసీఆర్ 24 గంటలు కరెంట్ ఇవ్వడం లేదని ప్రతి పక్షాలు అనడం సిగ్గుచేటు." - హరీశ్రావు, మంత్రి
Puvvada Ajay Kumar on Chandrababu Arrest : ఇటీవలే టీడీపీ అధినేత చంద్రబాబు నాయుడు అరెస్టు బాధాకరమని.. మంత్రి పువ్వాడ అజయ్ కుమార్ (Puvvada Ajay Kumar) పేర్కొన్నారు. చంద్రబాబును అక్రమంగా అరెస్టు చేయడాన్ని ఖండిస్తున్నట్టు తెలిపారు. గవర్నర్‌ అనుమతి లేకుండా ఆయన అరెస్టు సరికాదని చెప్పారు. ముఖ్యమంత్రులు పాలనలో అనేక నిర్ణయాలు తీసుకుంటారని అన్నారు. ప్రజావసరాల కోసం సీఎంలు కొన్ని నిర్ణయాలు తీసుకోవాల్సి వస్తుందని.. రాజకీయాల్లో కక్షసాధింపు చర్యలు మంచివి కాదని పువ్వాడ అజయ్ కుమార్ వ్యాఖ్యానించారు.
Harish Rao on New Schemes : 'త్వరలోనే సీఎం కేసీఆర్ కొత్త పథకాలను ప్రకటిస్తారు'
Mulugu Medical College Foundation Stone : 'తెలంగాణ ఏ రంగంలో చూసినా ప్రథమ స్థానంలో ఉంది'
