Covid cases in india: భారత్లో కరోనా కేసులు స్వల్పంగా పెరిగాయి. కొత్తగా 2,364కేసులు వెలుగుచూశాయి. మరో 10 మంది చనిపోయారు. ఒక్కరోజే 2,582 మంది మహమ్మారి నుంచి కోలుకున్నట్లు కేంద్ర ఆరోగ్య శాఖ వెల్లడించింది. యాక్టివ్ కేసులు 15,419 కు చేరాయి. పాజిటివీటి రేటు 0.50గా నమోదైంది.
- మొత్తం కరోనా కేసులు: 43,129,563
- మొత్తం మరణాలు: 5,24,303
- యాక్టివ్ కేసులు: 15,419
- కోలుకున్నవారి సంఖ్య: 4,25,89,841
Vaccination India: దేశవ్యాప్తంగా బుధవారం 13,71,603 మందికిపైగా టీకాలు అందించగా.. ఇప్పటివరకు పంపిణీ చేసిన వ్యాక్సిన్ డోసుల సంఖ్య 1,91,79,96,905కు చేరింది. ఒక్కరోజే 4,77,570 మందికి కరోనా టెస్టులు నిర్వహించారు.
World Covid Cases: ప్రపంచవ్యాప్తంగా కరోనా కేసులు భారీగా నమోదవుతున్నాయి. ఒక్కరోజే మరో 7,71,145 మందికిపైగా వైరస్ బారినపడ్డారు. మరో 1,592 మంది ప్రాణాలు కోల్పోయారు. మొత్తం కేసుల సంఖ్య 52,46,99,321కు చేరింది. మరణాల సంఖ్య 62,94,661కు చేరింది. మొత్తం కోలుకున్నవారి సంఖ్య 49,44,35,368గా ఉంది.
- అమెరికాలో కొత్తగా 1,03,958 కేసులు బయటపడగా.. 273 మంది ప్రాణాలు కోల్పోయారు.
- జర్మనీలో 64,582 మందికి కరోనా సోకగా.. 166 మంది మృతిచెందారు.
- ఆస్ట్రేలియాలో మరో 56,259కు పైగా కొత్త కేసులు వెలుగు చూశాయి. 53 మంది మరణించారు.
- ఇటలీలో కొత్తగా 30,408 మందికి వైరస్ సోకింది. 136 మంది ప్రాణాలు కోల్పోయారు.
- ఫ్రాన్స్లో 29,995 కొవిడ్ కేసులు నమోదుకాగా.. 80 మంది మహమ్మారికి బలయ్యారు.
కొరియాలో తగ్గని ఉద్ధృతి: ఉత్తర కొరియాలో కరోనా వైరస్ తీవ్రస్థాయిలో విజృంభిస్తుంది. తాజాగా 2,62,270 మంది జ్వరం లక్షణాలతో ఉన్నట్లు గుర్తించామని.. కరోనా బారినపడి ఒకరు మృతిచెందినట్లు ఆ దేశ ఆరోగ్య శాఖ తెలిపింది. ఆ దేశంలో మొత్తం కరోనా మరణాల సంఖ్య 63కు చేరింది. ప్రస్తుతం దేశంలో 7,40,160 మంది క్వారైంటైన్లో ఉన్నట్లు ఆరోగ్య శాఖ తెలిపింది. కరోనా బాధితులను గుర్తించడానికి లక్ష మంది ఆరోగ్య కార్యకర్తలు పనిచేస్తున్నారని తెలిపింది.
ఇదీ చదవండి: దేశంలో స్వల్పంగా పెరిగిన కరోనా కేసులు.. కొరియాలో తగ్గని ఉద్ధృతి
