captain varun singh latest news:హెలికాప్టర్ ప్రమాదంలో తీవ్రంగా గాయపడి వెల్లింగ్టన్‌ సైనిక ఆస్పత్రిలో ప్రాణాల కోసం పోరాడుతున్న గ్రూప్‌ కెప్టెన్‌ వరుణ్‌ సింగ్‌ను అధికారులు బెంగళూరుకు తరలించారు. సైనిక ఆస్పత్రి నుంచి సూలూరు ఎయిర్‌ బేస్‌కు ప్రత్యేక అంబులెన్స్‌లో తీసుకెళ్లి.. అక్కడి నుంచి బెంగళూరు తరలించారు. బెంగళూరులోని ఎయిర్‌ఫోర్స్‌ కమాండ్‌ ఆస్పత్రిలో మెరుగైన చికిత్స అందించనున్నారు. ఆయన లైఫ్‌ సపోర్టుపై ఉన్నారని, ఆయన్ను కాపాడేందుకు అన్ని ప్రయత్నాలూ చేస్తామని ఉదయం పార్లమెంట్‌లో రక్షణశాఖ మంత్రి రాజ్‌నాథ్‌ సింగ్‌ ఇప్పటికే ప్రకటన చేశారు.
హెలికాప్టర్ ప్రమాదంలో త్రిదళాధిపతి జనరల్ బిపిన్ రావత్ దంపతులు ప్రాణాలు కోల్పోయారు. ఆయన ప్రయాణిస్తున్న Mi-17V5 చాపర్ బుధవారం మధ్యాహ్నం కుప్పకూలింది. ఈ ఘటనలో మొత్తం 14 మందికిగానూ 13 మంది చనిపోయినట్లు వాయుసేన ప్రకటించింది. ప్రమాదంలో తీవ్ర గాయాలతో ప్రాణాలతో పోరాడుతున్న గ్రూప్‌ కెప్టెన్‌ వరుణ్‌ సింగ్‌ జనరల్ బిపిన్ రావత్ ప్రయాణిస్తున్న చాపర్లో ఒకరు.
ఇదీ చదవండి:Bipin Rawat: 'అగ్గిపెట్టె' సమాధానంతో ఆర్మీలో చేరిన రావత్..!
Palam Air base: రావత్ పార్థివదేహానికి మోదీ, ప్రముఖుల నివాళి
