Woman Gangraped: బంగాల్లో అమానవీయ ఘటన జరిగింది. భార్యపై భర్తే తన ఇద్దరు స్నేహితులతో కలిసి అత్యాచారానికి పాల్పడ్డాడు. బాధితురాలి ఫిర్యాదు మేరకు ముగ్గురినీ పోలీసులు అరెస్టు చేశారు.
ఇదీ జరిగింది..
బిహార్కు చెందిన మహిళ వైద్యం కోసం కోల్కతా వచ్చారు. ఆమె ఫిర్యాదు ప్రకారం.. ఈ ఘటన తన బంధువు ఇంట్లో గురువారం రాత్రి జరిగింది. ఆ సమయంలో ఆమె భర్తతో కలిసి, అతడి మరో ఇద్దరు స్నేహితులు మద్యం తీసుకుంటున్నారు.
"మత్తులో ఆమె భర్త స్నేహితులు.. అతడి ముందే ఆమెపై బలవంతం చేశారు. అనంతరం అత్యాచారానికి పాల్పడ్డారు" అని పోలీసులు తెలిపారు. మహిళను వైద్య పరీక్షల కోసం పంపారు. అందుకు సంబంధించిన రిపోర్టులు రావాల్సి ఉంది. దీనిపై దర్యాప్తు కొనసాగుతోందని పోలీసులు వెల్లడించారు.
ఇదీ చూడండి: నాలుగు నెలలుగా కూతురిపై తండ్రి అత్యాచారం
