నిద్రిస్తున్నవారిపైకి దూసుకెళ్లిన బస్సు- ఏడుగురు మృతి

ఉత్తర్​ప్రదేశ్​ బులంద్​షెహర్​ జిల్లాలో ఘోర ప్రమాదం జరిగింది. రోడ్డు పక్కన నిద్రిస్తున్న యాత్రికులపైకి ఓ బస్సు దూసుకెళ్లింది. ఈ దుర్ఘటనలో ఏడుగురు మృతి చెందారు. మృతుల్లో నలుగురు మహిళలు, ముగ్గురు చిన్నారులు ఉన్నారు.

రోడ్డు పక్కన నిద్రిస్తున్న యాత్రికులపైకి ఓ బస్సు దూసుకెళ్లిన ఘటన ఉత్తర్​ప్రదేశ్​ బులంద్​షెహర్​ జిల్లాలో జరిగింది. ఈ ప్రమాదంలో ఏడుగురు అక్కడికక్కడే మృతి చెందారు. మృతుల్లో నలుగురు మహిళలు, ముగ్గురు చిన్నారులు ఉన్నారు.

గంగా స్నానాలు చేసేందుకు...

గంగానదిలో స్నానాలు చేసేందుకు హాత్​రాస్​ సమీపంలోని మోహన్​పుర్​ గ్రామం నుంచి కొందరు నరోరా గంగాఘాట్​ ప్రాంతానికి గురువారం సాయంత్రం వచ్చారు. వైష్ణోదేవి ఆలయాన్ని సందర్శించిన అనంతరం రాత్రి రోడ్డు పక్కన నిద్రించి తెల్లవారు జామున స్నానాలు ఆచరించాలనుకున్నారు. కానీ వారిని బస్సు రూపంలో మృత్యువు కబళించింది. ఉదయం 4 గంటల ప్రాంతంలో వేగంగా వచ్చిన ఓ బస్సు వారిపైనుంచి దూసుకెళ్లింది.

ప్రమాదానికి కారణమైన బస్సు డ్రైవర్​ ఘటనాస్థలం నుంచి పరారయ్యాడు. కేసు నమోదు చేసుకున్న పోలీసులు దర్యాపు చేప్టటారు.

మృతులను మోహన్​పుర్​ గ్రామానికి చెందిన ఫూలవతి (65), మాలాదేవి (32), షీలాదేవి (35), యోగిత (5), కల్పన (3), రేణు (22), సంజన (4)గా గుర్తించారు.

ఇదీ చూడండి: ఆమెను హత్య చేసిన కిరాతకుడికి 100ఏళ్లు జైలుశిక్ష