బండరాయిని ఢీ కొట్టిన బస్సు.. 9 మంది మృతి
కర్ణాటకలోని ఉడిపి జిల్లాలో నిన్న ఘోర రోడ్డు ప్రమాదం జరిగింది. కార్కాల తాలూకాలోని మల్నుర్ఘాట్ వద్ద ఓ బస్సు అదుపుతప్పి రోడ్డు పక్కనున్న బండరాయిని ఢీ కొట్టగా.. 9 మంది మృతి చెందారు. మరో 25 మందికి తీవ్ర గాయాలయ్యాయి. ఘటనా స్థలానికి చేరుకున్న పోలీసులు.. క్షతగాత్రులను ఆసుపత్రికి తరలించారు.
శనివారం సాయంత్రం ఈ ప్రమాదం చోటుచేసుకుంది. ఘటనా సమయంలో బస్సులో 35 మంది ప్రయాణిస్తున్నారు. మైసూరులోని ఓ ప్రైవేటు సంస్థకు చెందిన వీరంతా.. హోరనాడు నుంచి ఉడిపికి వెళ్తుండగా ఈ ఘోరం జరిగింది.
మలుపు వద్ద డ్రైవరు బస్సును అదుపు చేయలేకపోవడమే ప్రమాదానికి కారణమని పోలీసులు పేర్కొన్నారు.
ఇదీ చూడండి: ప్లాస్టిక్ బాటిళ్లతో సుందరమైన శ్వేత ఏనుగు!
