గ్యారేజీలో పడి ఉన్న పాత బస్సుతో పదిమందికి ఉపయోగపడేలా కర్ణాటక ఆర్టీసీ వినూత్న ఆలోచన చేసింది. కావాల్సిన మరమ్మతులు చేసి బస్సును పబ్లిక్ టాయిలెట్గా మార్చింది. మహిళల కోసమే దీనిని తయారు చేసినట్లు ఆర్టీసీ అధికారులు తెలిపారు.
ఈ సదుపాయాన్ని కర్ణాటక ఉప ముఖ్యమంత్రి లక్ష్మణ్ సావాడి గురువారం ప్రారంభించారు. దీన్ని బెంగళూరు మేజిస్టిక్ బస్టాండ్లో ఏర్పాటు చేశారు. పాడైన బస్సులను టాయిలెట్లుగా వినియోగించే అవకాశాన్ని ఆర్టీసీ పరిశీలిస్తోందని లక్ష్మణ్ తెలిపారు.
సామాజిక బాధ్యత కింద..
ఈ 'స్త్రీ టాయిలెట్' ప్రాజెక్టుకు రూ.12 లక్షలు ఖర్చయినట్లు ఆర్టీసీ వెల్లడించింది. ఈ మొత్తాన్ని సామాజిక బాధ్యత కింద బెంగళూరు అంతర్జాతీయ విమానాశ్రయ సంస్థ (బీఐఏఎల్) భరించినట్లు తెలిపింది.
"ఈ టాయిలెట్ బస్సులో సౌర విద్యుత్ను ఏర్పాటు చేశాం. సెన్సార్ లైట్లు, వాష్ బేసిన్, పిల్లలకు పాలు ఇచ్చే సౌకర్యంతో పాటు డైపర్లు, నాప్కిన్లు వంటి సదుపాయాలు కల్పించాం. ఇందులో 3 ఇండియన్ టాయిలెట్లు, 2 వెస్ట్రన్ టాయిలెట్లు ఉన్నాయి."
- ఆర్టీసీ ఆధికారి
ఇదీ చూడండి: 'నీట్, జేఈఈ రాసేందుకు విద్యార్థులు సుముఖం'
