దేశంలో 70 లక్షలకు చేరువైన కరోనా కేసులు

దేశవ్యాప్తంగా మరో 73 వేల కరోనా కేసులు నమోదయ్యాయి. దీంతో మొత్తం కేసుల సంఖ్య 70 లక్షలకు చేరువైంది. మరో 926 మంది మృత్యువాతపడ్డారు. మొత్తం మరణాలు లక్షా ఏడు వేలకు చేరాయి. మరోవైపు కరోనా నిర్ధరణ పరీక్షల సంఖ్య 8.58 కోట్లకు సమీపించింది.

దేశవ్యాప్తంగా కరోనా మహమ్మారి విలయం కొనసాగుతోంది. కొత్తగా 73,272 పాజిటివ్ కేసులు వెలుగులోకి వచ్చాయి. మరో 926మంది మరణించారు.

కేంద్ర వైద్య శాఖ గణాంకాల ప్రకారం దేశంలో మొత్తం కేసుల సంఖ్య 69,79,424కు చేరింది. మరణాల సంఖ్య 1,07,416కు పెరిగింది. కరోనా నుంచి 59,88,823 మంది బాధితులు కోలుకున్నారు.

నిర్ధరణ పరీక్షలు

దేశంలో కరోనా నిర్ధరణ పరీక్షల సామర్థ్యం పెరుగుతోంది. శుక్రవారం ఒక్కరోజే 11,64018 నమూనాలను పరీక్షించినట్లు భారత వైద్య పరిశోధన మండలి(ఐసీఎంఆర్) తెలిపింది. మొత్తం పరీక్షల సంఖ్య 8,57,98,698కి చేరింది.